მცხეთის რაიონულმა სასამართლომ, გუდაურში მკვლელობის საქმეზე დაკავებული მერაბ კობიაშვილის მიმართ ჯგუფურად განხორციელებული ძალადობის ფაქტზე ბრალდებულ ექვსივე პირს, აღკვეთის ღონისძიების სახით 2000-2000-ლარიანი გირაო შეუფარდა. 

დღევანდელ სასამართლო სხდომაზე პროკურატურამ ბრალდებულებისთვის აღკვეთის ღონისძიების სახით 2000-ლარიანი გირაოს გამოყენების, დაცვის მხარემ კი, 1000-ლარიანი გირაოს გამოყენების შუამდგომლობა დააყენა

გუდაურში მომხდარი ორი პირის განზრახ მკვლელობის მცდელობისა და ერთი პირის განზრახ მკვლელობისთვის დაკავებულ მ.კ.-ს მიმართ ჯგუფური ძალადობისთვის 6 პირს ბრალდება ორი დღის წინ წარედგინა.

შეგახსენებთ, რომ მიმდინარე წლის 16 თებერვალს, გუდაურში მამაკაცი მოკლეს, ერთი კი დაჭრეს. აღნიშნულ საქმეზე, სამართალდამცავებმა მერაბ კობიაშვილი დააკავეს, რომელსაც ბრალი მკვლელობისა და მკვლელობის მცდელობისთვის წაუყენეს, მოგვიანებით კი ცემის მუხლით.

ამასთან, პროკურატურამ მერაბ კობიაშვილის მიმართ ჯგუფურად განხორციელებული ძალადობის ფაქტზე ბრალი 6 პირს წარუდგინა და მათი საქმე ცალკე წარმოებად გამოიყო.

მათ ბრალი ცემის ფაქტზე საქართველოს სისხლის სამართლის კოდექსის 126-ე მუხლის პირველი პრიმა ნაწილის „ბ“ ქვეპუნქტით წარედგინათ.

ავტორი: NS (სტატია დაფინანსებულია),

სოციალური ქსელები

ჯანმო- ევროპაში უკიდურესი სიცხის გამო ერთ კვირაში 1300-ზე მეტი ადამიანი დაიღუპა

გვარამია: ხოშტარიას საკითხზე ველოდებით ადეკვატურ გადაწყვეტილებას, წინააღმდეგ შემთხვევაში საპასუხო რეაგირება გვექნება

ევროპულმა სასამართლომ 5 სამოქალაქო ორგანიზაციის დაყადაღების საქმეზე არსებითი განხილვა დაიწყო

პირველი ქართული YouTube ბიზნესშოუ - Punchline Profit მეორე ეპიზოდით გრძელდება