თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, ინფექციურ საავადმყოფოში კორონავირუსით ინფიცირებული 2 პაციენტის მდგომარეობა კვლავ კრიტიკულია.

როგორც მან აღნიშნა, გუშინდელი პაციენტი, რომლის მდგომარეობაც დამძიმდა და ინტენსიური თერაპიის განყოფილებაში იქნა გადაყვანილი, დღის განმავლობაში დასტაბილურდა.

„რაც შეეხება სხვა პაციენტებს, მათი ჯანმრთელობის მდგომარეობა უცვლელია. დილის შემდეგ 2 მძიმე კრიტიკული პაციენტის მდგომარეობა არ შეცვლილა და მათი მდგომარეობა ჯერჯერობით არასტაბილურია. აქედან გამომდინარე, მათი მდგომარეობის პროგნოზირება შეუძლებელია. დანარჩენი სამი პაციენტის მდგომარეობა დასტაბილიზირებულია. გუშინდელი პაციენტი, რომელიც დამძიმდა და ინტენსიური თერაპიის განყოფილებაში გადავიყვანეთ, მისი მდგომარეობა დღის განმავლობაში დასტაბილურდა. იმედია, რომ ხვალ მისი მდგომარეობა გაუმჯობესდება. ჩვენ გვყავს 33 პაციენტი და ახლა დაგვემატება ეს 2 ახალი პაციენტი. დანარცენების მდგომარეობა მეტ-ნაკლებად სხვადასხვა სიმძიმისაა. უმეტესობა არის მსუბუქი მიმდინარეობიდან, რამდენიმე არის არამძიმე, საშუალო სიმძიმის მიმდინარე პნევმონიით“, - განაცხადა მარინა ეზუგბაიამ.

ავტორი: ექსპრესნიუსი,

სოციალური ქსელები

უკრაინა რუსეთს ზედიზედ მესამე დღეა უტევს რეკორდული რაოდენობის დრონებით

რუსეთის საარჩევნო კომისია, საზღვარგარეთ მცხოვრებ რუსებს არჩევნებში მონაწილეობის მიღებას აუკრძალავს, ივანიშვილის რეჟიმმა პუტინს ნახევარი წლით დაასწრო

კობახიძე ოკუპირებულ აფხაზეთში საწვავის შეტანაზე- ჩვენთვის მიზანი არა ფულის შოვნა, არამედ ნდობის აღდგენა იყო

კობახიძე- თეორიულადაც ვერ წარმომიდგენია, რატომ შეიძლება შეექმნას ღარიბაშვილის ოჯახს საფრთხე