"სტრატეგიული პარტნიორის რეკომენდაციები ამ თვალსაზრისით ყურადსაღებია", - ასე გაკოეხმაურა საგარეო საქმეთა მინისტრი დავით ზალკალიანი აშშ-ს სახელმწიფო დეპარტამენტის დოკუმენტს.

ზალკალიანის თქმით, სახელმწიფო გაითვალისწინებს მათ რეკომენდაციებს.

"მნიშვნელოვანია, რომ სახელმწიფო დეპარტამენტის ანგარიშებში არამხოლოდ საკანონმდებლო, არამედ აღმასრულებელ დონეზეც მკვიდდრდება ტერმინი ოკუპაცია. კიდევ ერთხელ არის ეს ტერმინი დაფიქსირებული. განსაკუთრებული აქცენტი კეთდება მიუღებლობაზე, იქ არსებულ, შექმნილ სიტუაციაზე. რა თქმა უნდა, სახელმწიფო დეპარტამენტის ანგარიში ჩვენთვის არის მნიშვნელოვანი, ჩვენი სტრატეგიული პარტნიორის რეკომენდაციები ამ თვალსაზრისით ყურადსაღებია. მოგეხსენებათ, რომ ანგარიში ემსახურება გარკვეული ხარვეზების აღმოფხვრას ადამიანის უფლებათა დაცვის სფეროში. ჩვენ ბუნებრივია გავითვალისწინებთ იმ რეკომენდაციებს, რომელიც ამ ანგარიშშია მოცემული", - განაცხადა დავით ზალკალიანმა.

ცნობისთვის, აშშ-ს სახელმწიფო დეპარტამენტმა გამოაქვეყნა საქართველოში ადამიანი უფლებათა დაცვის დოკუმენტი, რომელშიც წინა წლის მოვლენებს აფასებს. დოკუმენტში ყურადღება გამახვილებულია "გავრილოვის ღამეს" დაპატიმრებულთა პოლიტიკურ მოტივზე, საპოლიციო ძალის მიერ გამოყენებულ არაპროპორციულ ძალაზე, მედიის წინააღმდეგ გატარებულ ღონისძიებებზე, ჟურნალისტებისთვის საქმიანობაში ხელის შეშლასა და მოხსნიებულია "რუსთავი 2-ისა" და "ტვ პირველის" საქმეებიც.

ავტორი: ექსპრესნიუსი,

სოციალური ქსელები

ცაჰალის ცნობით, მოკლეს ჰამასის მეთაური აბუ მუსტაფა, რომელიც 7 ოქტომბრის თავდასხმასთან იყო დაკავშირებული

ვაშინგტონმა და თეირანმა გადაწყვიტეს ჰორმუზის სრუტის გავლით უსაფრთხო გადაადგილების მექანიზმის შემუშავება

ყატარში, მსოფლიოში უდიდეს თხევადი ბუნებრივი აირის წარმოების ცენტრში აფეთქება მოხდა, 54 ადამიანი დაშავდა

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი