„ქართული ოცნების“ ხელისუფლებაში მოსვლის შემდეგ, არაერთი პირი გასამართლებულია და ასჯერ და ორასჯერ ნაკლები თანხის გაფლანგვის გამო, უფრო მკაცრ სასჯელს იღებენ“, - ასე გამოეხმაურა „ევროპული საქართველოს“ ლიდერი გიგი უგულავას დაკავებას საქართველოს პარლამენტის უმრავლესობის წევრი მამუკა მდინარაძე.

 მანვე აღნიშნა, რომ გიგი უგულავას წინააღმდეგ, უზენაესი სასამართლოს მიერ გამოტანილ გადაწყვეტილებაში კანონდარღვევა არაფერია.

„არამც თუ პოლიტიკური დევნა მე გეტყვით რაში მდგომარეობს მთავარი ტყუილი იმ ადამიანების, ვინც ამას პოლიტიკურ დევნას უწოდებენ. ისინი აპელირებენ იმაზე, თითქოს ეს არის ორჯერ გასამართლება ერთსა და იმავე საქმეზე, რაც აბსოლუტურად ცრუ მესიჯია. ერთი მთავარი არგუმენტიდან გამომდინარე, პროკურატურა ყველა ეტაპზე 2013 წლიდან მოყოლებული ამბობდა, რომ ეს არის გაფლანგვა, რაშიც პირველი და მეორე ინსტანციის სასამართლოები არ დაეთანხმნენ და პროკურატურის ეს პოზიცია საქართველოს უზენაესმა სასამართლომ გაიზიარა. ამაში კანონდარღვევა არაფერია. ჩვენ შეგვიძლია ისინი ტყუილშიც ვამხილოთ. ისინი საუბრობენ პროცედურულ დარღვევაზე იქ, სადაც ეს არაა და არ საუბრობენ 48 მილიონის გაფლანგვაზე. ამ დროს „ქართული ოცნების“ ხელისუფლებაში მოსვლის შემდეგ, არაერთი პირი გასამართლებულია და ასჯერ და ორასჯერ ნაკლები თანხის გაფლანგვის გამო, უფრო მკაცრ სასჯელს იღებენ. მაგალითად ფოთის მერი, ბათუმის მერი, ზუგდიდის საკრებულოს თავმჯდომარე და ა.შ“, - განაცხადა მამუკა მდინარაძემ.

ავტორი: ექსპრესნიუსი,

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე