ჩინეთის საზღვრებს გარეთ კორონავირუსით ადამიანის გარდაცვალების ფაქტი დაფიქსირდა

2020-02-02 11:42:19, 4197 ნახვა

მსოფლიო

ფილიპინებში კორონავირუსით ერთი ადამიანი გარდაიცვალა. ეს ჩინეთის საზღვრებს გარეთ ვირუსით გარდაცვალების პირველი შემთხვევაა.

ინფორმაცია ჯანდაცვის მსოფლიო ორგანიზაციამ დაადასტურა.

გარდაცვლილია 44 წლის ჩინელი მამაკაცი, რომელიც ფილიპინებში ქალაქ უხანიდან იანვარში მეგობარ ქალთან ერთად დაბრუნდა, რომელსაც ასევე დაუდგინდა კორონავირუსი.

ჯანდაცვის მსოფლიო ორგანიზაციის განცხადებით, გარდაცვლილი კაცი ფილიპინებში ჩასვლამდე იყო ვირუსით დაავადებული.

ჯანდაცვის მსოფლიო ორგანიზაციამ კორონავირუსი გლობალურ საფრთხედ გამოაცხადა. WHO-ს განცხადებით, სუსტი ჯანდაცვის სისტემის მქონე ქვეყნები საფრთხის ქვეშ არიან.

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,