თავდაცვის მინისტრის ვიზიტი დასავლეთ სარდლობის დანაყოფებში გრძელდება.

დღეს ჟურნალისტებთან ერთად თინათინ ხიდაშელი სენაკის მეორე ქვეით ბაზას ესტუმრა.

თავდაცვის მინისტრს ბრიგადაში შეიარაღებული ძალების გენერალური შტაბის უფროსი, გენერალ-მაიორი ვახტანგ კაპანაძე და დასავლეთ სარდლობის მეთაური, პოლკოვნიკი მიხეილ სადუნიშვილი დახვდნენ.

თინა ხიდაშელი თავდაპირველად საქართველოს ტერიტორიული მთლიანობისთვის და საერთაშორისო მისიებში დაღუპული სამხედროების ოჯახის წევრებს შეხვდა და მათი პრობლემები მოისმინა. შემდეგ კი დაღუპულ გმირთა მემორიალი ყვავილებით შეამკო. 

„დღეს დილიდან შეხვედრა გვქონდა აქ, სამეგრელოში, აგვისტოს ომის დროს დაღუპული სამხედროების მშობლებთან. პრობლემების ნაწილი ამ ოჯახების სოციალურ მდგომარეობას უკავშირდება. მათ თავდაცვის სამინისტროსთან არ აქვთ პრეტენზიები და მუდმივად აღნიშნავენ, რომ განსაკუთრებულ მზრუნველობას ვიჩენთ, მაგრამ, არის საკითხები, რომლებიც ადგილობრივი მუნიციპალიტეტების მოსაგვარებელია. პირობა მივეცი მათ, რომ შევეცდები, ეს პრობლემები გამგეობებთან და საკრებულოებთან ერთობლივი მუშაობით გადავწყვიტოთ. თავად ბაზას რაც შეეხება, აქ სხვადასხვა კორპუსი სხვადასხვა დროს არის გაკეთებული. ორის რემონტი ამჟამადაც მიმდინარეობს. პრობლემები უამრავია. ყველაზე დიდ პრობლემას უხარისხოდ ჩატარებული სამუშაოები ქმნის. ახლა ლაზარეთში ვიყავით, სადაც მეორე სართულზე არც ერთი სველი წერტილი არ მუშაობს თავად წარმოიდგინეთ ავადმყოფების მდგომარეობა, რომლებიც მეორე სართულზე არიან და სველი წერტილებით სარგებლობისთვის პირველ სართულზე უწევთ ჩასვლა. მთლიანად შენობა საფუძვლიანად არის მოსაწესრიგებელი, კანალიზაციის სისტემაც არ მუშაობს“,- განაცხადა თინათინ ხიდაშელმა და აღნიშნა, რომ ინფრასტრუქტურული კუთხით დიდ ბაზებთან შედარებით მცირე ბაზებზე მეტი პრობლემებია, საკითხის დეტალურად შესწავლა კი იმიტომაც არის საჭირო, რომ 2016 წლის ბიუჯეტში ერთ-ერთი პრიორიტეტი, სწორედ, ამ ბაზების მოწესრიგება იყოს.

თავდაცვის მინისტრმა დღესვე სენაკის სამხედრო ბაზის ინფრასტრუქტურა დაათვალიერა და მიმდინარე სარემონტო სამუშაოებს გაეცნო. მოინახულა სამხედრო სასროლეთი, პოლიგონი და ბაზაზე არსებული სიტუაციის შესახებ ბრიგადის ხელმძღვანელობისგან ინფორმაცია უშუალოდ მიიღო. თავდაცვის მინისტრი და რეპორტიორები დღეს ბაზაზე დარჩებიან. მომდევნო დღეებში კი დასავლეთ სარდლობის სხვა დანაყოფებს ესტუმრებიან და არსებულ ვითარებას ადგილზე გაეცნობიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი