2019-12-21 13:56:11, 3771 ნახვა
სამართალი
ბათუმში, პოლიციელის დაჭრაში ბრალდებულს წინასწარი პატიმრობა შეეფარდა
ბათუმში პატრულის დაჭრაში ბრალდებულ გელა ჭაღალიძეს აღკვეთის ღონისძიების სახით პატიმრობა შეეფარდა.
მოსამართლემ პროკურორის შუამდგომლობა დააკმაყოფილა.
მომდევნო სასამართლო პროცესი 11 თებერვალს, 18:00 საათზე გაიმართება.
შეგახსენებთ, რომ 18 დეკემბერს ბათუმში ჭავჭავაძის ქუჩაზე საპატრულო პოლიციის 29 წლის თანამშრომელი დაჭრეს. შსს-მ გამოძიება სისხლის სამართლის კოდექსის 353 პრიმა მუხლით დაიწყო, რაც პოლიციელზე თავდასხმას გულისხმობს.
რაც შეეხება დაშავებულ პოლიციელს, ის ამ დროისთვის, ბათუმის რესპუბლიკურ საავადმყოფოში მკურნალობის კურსს გადის. ექიმების ინფორმაციით, მის სიცოცხლეს საფრთხე არ ემუქრება.
ავტორი: ექსპრესნიუსი,
epn.ge (@expressnews.ge)
