„პირები, რომელთა ბრალეულობაც ზურაბ ვაზაგაშვილის საქმეში არ არის გამოკვეთილი უწყებაში კვლავ მუშაობენ“, - ამის შესახებ შინაგან საქმეთა მინისტრის მოვალეობის შემსრულებელმა ვახტანგ გომელაურმა ჟურნალისტებს სამების საკათედრო ტაძარში განუცხადა, სადაც იური ვაზაგაშვილის საეკლესიო პანაშვიდი მიმდინარეობს.

როგორც გომელაურმა აღნიშნა, ზურაბ ვაზაგაშვილის დაკავების სპეცოპერაციაში მონაწილე ყველა პირს, სამსახურიდან ვერ გაუშვებენ.

„ვაზაგაშვილის სპეცოპერაციის საქმეში შეიძლება 100 ან 50 კაცი მონაწილეობდა, მაგრამ ყველას ვერ გავუშვებთ სამსახურიდან. ყველას ბრალი ხომ არ იყო, ის იყო რამდენიმე ადამიანის ბრალი. გამოიკვეთება ეს დამნაშავეები და დაისჯებიან აუცილებლად. რომლებზეც გამოკვეთილი არ არის ბრალეულობა, ისინი უწყებაში კვლავ მუშაობენ“, - განაცხადა გომელაურმა.

ცნობისთვის, სამების საკათედრო ტაძარში იური ვაზაგაშვილის საეკლესიო პანაშვიდი მიმდინარეობს, რომელსაც საქართველოს კათოლიკოს-პატრიარქი ილია მეორე იხდის.

სამების ტაძარში ყოფილი პრემიერ-მინისტრი ბიძინა ივანიშვილიც იმყოფება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი