2019-10-25 15:46:40, 3533 ნახვა
რეგიონი
ე.წ. სამხრეთ ოსეთის „შეიარაღებული ძალები“, სასწავლო მიზნით, საბრძოლო რეჟიმზეა გადაყვანილი
ე.წ.სამხრეთ ოსეთის „შეიარაღებული ძალების“ სამხედრო სარდლობისა და კონტროლის ორგანოები სასწავლო მიზნით, საბრძოლო რეჟიმშია გადაყვანილი, - ამის შესახებ "სპუნიკტ ოსეტია" იუწყება.
მედია საშუალების ინფორმაციით, შესაბამისი გადაწყვეტილება დე-ფაქტო თავდაცვის მინისტრმა იბრაგიმ გასეევმა მიიღო.
„საბრძოლო რეჟიმზე გადაყვანის მიზანი სხვადასხვა პირობებში საკუთარი ფუნქციების შესრულებისთვის სამხედრო მართვის ორგანოების მზადყოფნისა და სამხედრო მოსამსახურეების პროფესიული დონის შემოწმებაა. მათი შემოწმება ოპერატიულ და ტაქტიკურ პირობებში მოხდება. დისლოკაციის ადგილას იქნება შექმნილი საომარ მდგომარეობასთან მიახლოებული ვითარება“, - ნათქვამია ინფორმაციაში.
ჯერჯერობით უცნობია თუ როდის დასრულდება სასწავლო წვრთნები.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
