გიორგი მიქაუტაძე: სასამართლოში არანაირი გავლენიანი ჯგუფი არ არსებობს

2019-10-22 12:25:28, 1913 ნახვა

კომენტარი

იუსტიციის უმაღლესი საბჭოს მდივანი, უზენაესი სასამართლოს მოსამართლეობის კანდიდატი გიორგი მიქაუტაძე სასამართლოში გავლენიანი ჯგუფების არსებობას უარყოფს.

როგორც მიქაუტაძემ იურიდიულ საკითხთა კომიტეტის სხდომაზე განაცხადა, სასამართლოში არის გუნდი, რომელიც ზრუნავს სასამართლო სისტემის დამოუკიდებლობაზე.

"არ არსებობს სასამართლოში არანაირი გავლენიანი ჯგუფი, რომელიც იღებს გარკვეული სახის გადაწყვეტილებას. სასამართლოში არის გუნდი, რომელიც ზრუნავს სასამართლო სისტემის დამოუკიდებლობაზე, მიუკერძოებლობაზე და სასამართლო სისტემის განვითარებაზე. ახალი არ არის არც თქვენთვის, რომ ბოლო პერიოდის განმავლობაში, სასამართლო სისტემას მოუწია ძალიან ბევრი რეფორმის გავლა. ის რეფორმები და საკანონმდებლო ცვლილებები, რომელსაც თქვენ გვთავაზობდით საბოლოო ჯამში, ჩვენი განსახორციელებელია და ეს მარტივი პროცესი არაა", - განაცხადა უზენაესი სასამართლოს მოსამართლეობის განდიდატმა.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან