აჭარის მთავრობის თავმჯდომარე თორნიკე რიჟვაძე ბათუმის მერთან ლაშა კომახიძესთან ერთად ჯავახიშვილის ქუჩაზე მიმდინარე სამუშაოებს გაეცნო. შენდება სანიაღვრე კოლექტორი, რომლის გავლით სანიაღვრე წყლები არდაგანის ტბის მიმდებარედ მშენებარე სატუმბ სადგურს დაუკავშირდება.

სატუმბი სადგური უხვი ნალექის დროს ქალაქის ცენტრალური კოლექტორებიდან მიღებული სანიაღვრე წყლების გადატუმბვას უზრუნველყოფს, რაც ქალაქის დატბორვის საშიშროებას მნიშვნელოვნად შეამცირებს.

ჯავახიშვილის ქუჩის სანიაღვრე კოლექტორის მშენებლობა მიმდინარე წლის ნოემბერში დასრულდება. პროექტის ღირებულება 3 მილიონ 600 ათას ევროს შეადგენს.

"ბათუმის მერია აქტიურად ახორციელებს წყალმომარაგება-წყალარინების ინფრატრუქტურულ სამუშაოებს ქალაქში. ეს მოაგვარებს ათწლეულების პრობლემას ქალაქში წყალმომარაგება-წყალარინების კუთხით. ამასთანავე, ფინანსთა სამინისტროს ჩართულობით დაახლოებით 1 კვირის წინ მოეწერა ხელი  ძალიან მნიშვნელოვან ხელშეკრულებას, რომლის საფუძველზეც 60 მილიონი ევრო მოხმარდება ბათუმის შემოერთებული ტერიტორიების წყალმომარაგება-წყალარინებას. ასევე, აჭარის წყლის ალიანსი 50 მილიონ ევროს დახარჯავს აჭარის სხვადასხვა მუნიციპალიტეტში. ჯამში ჩვენ 5 წლის განმავლობაში ავითვისებთ 100 მილიონ ევროზე მეტს და ეს იქნება ნამდვილი ინფრასტრუქტურული გარღვევა მთლიანად აჭარისთვის. წყალმომარაგების და წყალარინების მიმართულებით აჭარაში თანამედროვე ინფრასტრუქტურა იქმნება. ყველგან გვექნება სისტემები, რომელიც უზრუნველყოფს თანამედროვე ეკონომიკის განვითარებას" – აღნიშნა თორნიკე რიჟვაძემ.

ქალაქის მერის, ლაშა კომახიძის თქმით, ეს არის ერთ-ერთი უმნიშვნელოვანესი სამუშაოები, რომელიც ქალაქის მასშტაბით მიმდინარეობს კომუნალური ინფრასტრუქტურის მოწყობის თვალსაზრისით, რაც ძალიან დიდ შვებას მისცემს ქალაქს წყალარინების და სანიაღვრე წყლების პრობლემის მოგვარების კუთხით.

პარალელურად მიმდინარეობს ცენტრალური წყალარინების კოლექტორის რეაბილიტაცია. სამუშაოები მომდინარე წლის ნოემბერში უნდა დასრულდეს.  სამუშაოების ღირებულება 2 მილიონ 791 ათას ევროს შეადგენს.

(NS)

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია