ზუგდიდი ბრწყინვალე საერო–სახალხო დღესასწაულს ვლაქერნობას ზეიმობს

2015-07-15 16:07:19, 645 ნახვა

საზოგადოება

ყოვლადწმიდა ღვთისმშობლის პატიოსანი შესამოსელის ვლაქერნაში დიდებით დადების დღე – ვლაქერნობას ზუგდიდში საქართველოს პრემიერ-მინისტრი ირაკლი ღარიბაშვილი, კულტურისა და ძეგლთა დაცვის მინისტრი მიხეილ გიორგაძე, ზუგდიდის მუნიციპალიტეტის გამგებელი ედიშერ თოლორაია და მხარის გუბერნატორი დაესწრო.

ღვთისმშობლის შესამოსელი ამ დღესასწაულთან დაკავშირებით მუზეუმის საცავიდან ივერიის ღვთისმშობლის სახელობის საკათედრო ტაძრამდე ყოვლად უწმინდოესობამ და მრევლმა მიაცილა. ივერიის ღვთისმშობლის სახელობის საკათედრო ტაძარში სადღესასწაულო წირვა აღევლინა.

სადღესასწაულო წირვა ლოცვა აღევლინა რუსულ ენაზე. დღეს საგანგებოდ მოსალოცად ზუგდიდს ესტუმრნენ რუსეთის სხვადასხვა ეპარქიის მართლმადიდებელი სამღვდელოების წარმომადგენლები.

ღვთისმშობლის პატიოსანი შესამოსელი დღეს მთელი დღე ივერიის ღვთისმშობლის სახელობის ტაძარში არის დაბრძანებული და მოლოცვის საშუალება ყველა დაინტერესებულ პირს მიეცემა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან