„ის ძაფი, რასაც ქართველი ხალხის ნერვი ჰქვია უკვე ბოლომდე დაჭიმულია, ეს ძაფი ძალიან მალე გაწყდება“, - ამის შესახებ „ნაციონალური მოძრაობის“ წევრმა ზაალ უდუმაშვილმა პროკურატურაში შესვლამდე ჟურნალისტებს განუცხადა.

 როგორც უდუმაშვილმა აღნიშნა, აინტერესებს თუ რა კითხვები ექნებათ უწყებაში.

„მე, ზოგადად, არც კი ვიცი, რა კითხვები შეიძლება ჩემთან, მაგრამ მაინც მოვედი და მაინტერესებს რა კითხვები შეიძლება ჰქონდეთ. სიმართლე გითხრათ, ცოტა შეურაცხყოფილი ვიყავი, რომ აქამდე არ მიბარებდნენ. მნიშვნელობა არ აქვს რა კითხვა დაისმება ჩემს მიმართ, მთავარი არის ის, რომ ქვეყანაში პოლიტიკური დევნა მიდის, როგორც პოლიტიკოსებისა, ასევე თავისუფალი მედიის მიმართ. მაგრამ ის ძაფი, რასაც ქართველი ხალხის ნერვი ჰქვია უკვე ბოლომდე დაჭიმულია, ეს ძაფი ძალიან მალე გაწყდება დ ამ შენობაში უკვე იმ ხალხს მოუწევს სიარული, ვინც დღეს ბარიკადების მეორე მხარეს დგას“, - განაცხადა ზაალ უდუმაშვილმა.

ცნობისთვის,  დღეს ტელეკომპანია „ფორმულას“ საინფორმაციო სამსახურის უფროსი გიორგი ლაფერაშვილი და ზაალ უდუმაშვილი პროკურატურაში დაიბარეს. უწყების ინფორმაციით, საქმე ეხება სამაუწყებლო კომპანია რუსთავი 2"-ის კანონიერი ინტერესის საწინააღმდეგოდ უფლებამოსილების ბოროტად გამოყენების, მისი კუთვნილი დიდი ოდენობით თანხების სამსახურებრივი მდგომარეობის გამოყენებით მითვისების და ქონების მოჩვენებითი ან/და თვალთმაქცური გარიგებით გადამალვის ფაქტზე მიმდინარე გამოძიებას.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს