პარიზში დანით შეიარაღებულმა მამაკაცმა პოლიციის ოთხი თანამშრომელი მოკლა

2019-10-03 17:14:56, 4019 ნახვა

მსოფლიო

პარიზში პოლიციის განყოფილებაში შეჭრილმა მამაკაცმა ოთხი ადამიანი მოკლა - ამის შესახებ ინფორმაციას „როიტერი“ ავრცელებს.

ფრანგული პრესის ინფორმაციით, დანით შეიარაღებული მამაკაცი პოლიციის ერთ-ერთ განყოფილებაში შეიჭრა. თავდამსხმელი ადგილზე, მყოფ პოლიციის თანამშრომლებს თავს დაესხა.

ბოლო მონაცემებით, მოკლულია ოთხი პოლიციელი. თავდასხმელი ლიკვიდირებულია.

წინასწარი ცნობით, თავდამსხმელი თავად მუშაობდა პოლიციის განყოფილებაში. მისი მოტივები ჯერჯერობით უცნობია.

ინციდენტის ადგილი გარშემორტყმულია პოლიციით. კუნძულ ციტეზე, პოლიციის განყოფილებასთან მდებარე მეტრო-სადგურები დახურულია. შემთხვევის ადგილზე იმყოფება საფრანგეთის შინაგან საქმეთა მინისტრი.

მოამზადა ლიკა ბესელიამ

Patreon P მხარი დაუჭირე "ექსპრესნიუსს" →

ავტორი: ექსპრესნიუსი,