თბილისის მერი კახა კალაძე აცხადებს, რომ გავრცელებული ინფორმაცია, რომლის თანახმადაც ის ირაკლი ღარიბაშვილის შინაგან საქმეთა მინისტრის პოსტზე დაბრუნების წინააღმდეგია, სიმართლეს არ შეესაბამება.

როგორც მან აღნიშნა, მინისტრთა კაბინეტთან დაკავშირებით გუნდში მსჯელობა არ ყოფილა, თუმცა თავად შს მინისტრის პოსტზე ღარიბაშვილის დაბრუნებას მიესალმება.

„ეს არის დიდი ტყუილი, სიცრუე და სისულელე. პირველი რაც მინდა ვთქვა, ირაკლი არის ჩემი მეგობარი. მეორე რაც მთავარია გუშინ საერთოდ არ ყოფილა საუბარი, თუ ვინ იქნებიან მინისტრობის კანდიდატები. ვინ იქნება მინისტრთა კაბინეტში ამას უშუალოდ ახალი პრემიერ-მინისტრი გადაწყვეტს. თუ მეკითხებით როგორ პარტიის გენერალურ მდივანს, პირადად მე მივესალმები შს მინისტრის თანამდებობაზე ირაკლი ღარიბაშვილის დაბრუნებას, ვფიქრობ, ის იქნება ძლიერი მინისტრი“, - განაცხადა კახა კალაძემ.

ავტორი: ექსპრესნიუსი,

სოციალური ქსელები

ძვლის ტვინის გადანერგვის შემდეგ გართულების სამკურნალო "ჯაკავი" დაფინანსდება – ჯანდაცვა

რუსეთი საქართველოს მოუწოდებს, ალის გამოუყენებლობის შესახებ იურიდიულად სავალდებულო შეთანხმება შეიმუშაონ

ბარციცი: საქართველო ძალის გამოუყენებლობის შეთანხმებაზე დამატებით პროგრესს შეუძლებელს ხდის

მოსკოვი საქართველოს ოკუპირებულ ცხინვალთან და აფხაზეთთან ძალის გამოუყენებლობის შესახებ შეთანხმების გაფორმებისკენ მოუწოდებს