„ყველასთვის ცნობილია, რომ  20 ივნისის საღამოს მე პარლამენტთან ვიმყოფებოდი. იქ ვესაუბრე მედიის წარმომადგენლებს და ყველა მხარეს სიმშვიდისკენ მოვუწოდე“, - ამის შესახებ გერმანიის ელჩმა ჰუბერტ ქნირშმა განაცხადა.

ის შს მინისტრის, გიორგი გახარიას გუშინდელ განცხადებას გამოეხმაურა:

„რა თქმა უნდა, არ მიმიღია მონაწილეობა გადაწყვეტილებების მიღებაში, რომლებიც საქართველოს მთავრობის პასუხისმგებელი პირების მისაღები იყო. ყველა მნიშვნელოვან კითხვას, რომელიც ეხება 20 და 21 ივნისს განვითარებულ მოვლენებს, უნდა გაეცეს პასუხები ამისთვის გათვალისწინებული სამართლებრივი  პროცედურების შესაბამისად“, - აცხადებს გერმანიის ელჩი.

ცნობისთვის, გუშინ შს მინისტრმა გიორგი გახარიამ „ტვ პირველის“ ეთერში, გადაცემა „რეაქციაში“ სტუმრობისას განაცხადა, რომ აქციისას განვითარებულ მოვლენებს პარლამენტის შენობიდან აკვირდებოდა და მასთან ერთად სხვადასხვა საელჩოს წარმომადგენლებიც იყვნენ.

„ზემოდან უშუალოდ ვხედავდი ყველაფერს. მარტო კი არ ვიყავი, ზოგიერთი ქვეყნის ელჩი იყო ჩემთან ერთად. ამასაც გამოძიება დაადასტურებს, ვინ იყო იქ და რაში მონაწილეობდა", - განაცხადა გახარიამ.

ავტორი: ექსპრესნიუსი,

სოციალური ქსელები

ისწავლე საზღვარგარეთ საქართველოს ბანკის სტიპენდიით - მოსწავლეებისთვის შექმნილ საერთაშორისო პროგრამაზე მიღება მალე დაიწყება

CPJ: მოვუწოდებთ ოცნებას, შეწყვიტოს ფორმულას წინააღმდეგ სისხლის სამართლის საქმის გამოძიება

პროკურატურამ ფორმულას მიმართ აღძრულ საქმეზე გამოკითხვაზე დავით ქაშიაშვილი დაიბარა

დიმიტრი გუტკოვი - საქართველოს დემოკრატიული, ევროპული გზა ეს არ არის გზა რუსეთის წინაამდეგ, ეს მხოლოდ პუტინის დიქტატურის წინაამდეგ