უკრაინის ახალი პრეზიდენტის ვოლოდიმირ ზელენსკის განცხადებით, სახელმწიფო უწყებებში კაბინეტებში პრეზიდენტის პორტრეტები უნდა ჩამოხსნან, - ამის შესახებ 112.UA იუწყება. 

როგორც ზელენსკიმ აღნიშნა, ჩინოსნებმა თავიანთ კაბინეტებში შვილების ფოტოები უნდა დაკიდონ. 

"მინდა, რომ თქვენს კაბინეტებში არ იყოს ჩემი პორტრეტები, რადგან პრეზიდენტი არ არის ხატი, არ არის კერპი. დაკიდეთ იქ თქვენი შვილების ფოტოები და ყოველი გადაწყვეტილების წინ უყურეთ მათ თვალებში“, - მიმართა ზელენსკიმ უკრაინელ მაღალჩინოსნებს.

ცნობისთვის, დღეს კიევში ახლადარჩეული პრეზიდენტის ვლადიმერ ზელენსკის ინაუგურაცია გაიმართა. უმაღლეს რადაში სიტყვით გამოსვლის დროს, პრეზიდენტმა პარლამენტის დათხოვნის შესახებ განაცხადა. გარდა ამისა, მან აღნიშნა, რომ ვადამდელი არჩევნები უნდა დაინიშნოს. 

საპრეზიდენტო არჩევნების მეორე ტური უკრაინაში 21 აპრილს ჩატარდა. მსახიობმა და შოუმენმა ზელენსკიმ უკრაინის ყოფილი პრეზიდენტი პეტრო პოროშენკო დაამარცხა. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

სუს: სოფელ ბერუშეთთან ოკუპანტების მიერ დაკავებული საქართველოს მოქალაქე თავისუფალია

პაპუაშვილი: რეზოლუციებმა საბოლოოდ გადაკვეთეს ქართველი ხალხის მიერ დადგენილი წითელი ხაზები

გადაიღე ფინტი და გახდი PS5-ის მფლობელი - sCoolApp-ისა და GUPSPORT-ის ვიდეოკონკურსი დაიწყო

პენიტენციურის უფროსი: პროცესი, რაც მიმდინარეობს, უკვე აბსურდის თეატრს ემსგავსება