ვენეციის კომისია ხელისუფლებას უზენაესი სასამართლოს თავმჯდომარის თანამდებობაზე ყოფნის ვადის შემცირებას ურჩევს

2019-04-16 16:43:35, 1607 ნახვა

პოლიტიკა

ვენეციის კომისია საქართველოს ხელისუფლებას უზენაესი სასამართლოს თავმჯდომარის თანამდებობაზე ყოფნის ვადის შემცირებას ურჩევს.

როგორც კომისიის მიერ გამოქვეყნებულ რეკომენდაციაშია აღნიშნული, საქართველოს ორგანული კანონპროექტის მიხედვით, უზენაესი სასამართლოს ტავმჯდომარის თანამდებობაზე ყოფნის ვადა 10 წელს შეადგენს.

ამასთან, კომისიაში მიიჩნევენ, რომ საქართველოში არსებული სიტუაციიდან გამომდინარე, როდესაც ქვეყანა უფრო მსხვილ და ახლად შექმნილ უზენაეს სასამართლოზე გადადის, თავმჯდომარის 10 წლით დანიშვნა შესაძლოა, ძალიან ხანგრძლივი პერიოდი იყოს.

"შესაბამისად, მიგვაჩნია, რომ უზენაესი სასამართლოს თავმჯდომარის თანამდებობაზე ყოფნის უფრო მცირე ვადა შეიძლება განხილული იყოს“, - ნათქვამია ვენეციის კომისიის რეკომენდაციაში.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან