2019-04-05 17:53:39, 2054 ნახვა
რეგიონი
ე.წ. პრეზიდენტი: რა კავშირი აქვს საქართველოს ოსეთთან? არანაირი!
ოკუპირებული სამხრეთ ოსეთის დე-ფაქტო პრეზიდენტი ანატოლი ბიბილოვი საქართველოში ნატო-ს გენერალური მდივნის იენს სტოლტენბერგის ვიზიტს გამოეხმაურა.
როგორც ბიბილოვმა აღნიშნა, ნატო-ში გაწევრიანება საქართველოს გადასაწყვეტია, თუმცა ე.წ. სამხრეთ ოსეთი ამაში მონაწილეობას არ მიიღებს.
"ვისაც ნერვოზი აქვს, ისინი დადიან წინ და უკან. ჩვენ მშვიდად ვართ, რადგან მკაფიო პოზიცია გაგვაჩნია, რომელიც უახლოესი ათასი წლის განმავლობაშიც კი, არ შეიცვლება. გაწევრიანდნენ ნატო-ში თუ უნდათ, ეს მათი უფლებაა. ჩვენი განვითარების ჩვენი ვექტორი გვაქვს და ეს რუსეთთან თანამშრომლობაა. სამხრეთ ოსეთი არასდროს იყო საქართველოს შემადგენლობაში, სამეფო რუსეთის დროსაც კი. რა კავშირი აქვს საქართველოს ოსეთთან? არანაირი!", - განაცხადა ე.წ. პრეზიდენტმა.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
