გიორგი გახარიამ სატელევიზიო ეთერში დანაშაულის მატება-კლების შესახებ ისაუბრა. შინაგან საქმეთა მინისტრის განცხადებით, მძიმე დანაშაულების მხრივ 2001 წლის შემდეგ, შარშან ერთ-ერთი საუკეთესო მაჩვენებელი დაფიქსირდა.

„მძიმე დანაშაულის ნაწილში შინაგან საქმეთა სამინისტრო ერთმნიშვნელოვნად აფიქსირებს, რომ ჩვენ გვაქვს უცვლელი, ან კლების დინამიკა. ვსაუბრობთ მკვლელობებზე, სხეულის მძიმე დაზიანებებზე, ყაჩაღობებზე და ა.შ. აქ, სადაც საქმე ეხება ორგანიზებულ ან მძიმე დანაშაულს, შინაგან საქმეთა სამინისტრო ერთმნიშვნელოვნად აფიქსირებს, რომ ჩვენ გვაქვს ერთ-ერთი საუკეთესო მაჩვენებელი 2001 წლიდან - 2017 და მათ შორის 2018 წლებიც. ისეთი დანაშაული როგორიც არის საკუთრების წინააღმდეგ დანაშაული და ჯანმრთელობის წინააღმდეგ დანაშაული, ვგულისხმობ სხეულის მსუბუქ დაზიანებებს, ხოლო საკუთრების წინააღმდეგ დანაშაულში ვგულისხმობ ძირითადად ქურდობებს, აქ გვაქვს გარკვეული ზრდა. ეს ზრდა ახსნადია სხვადასხვა თემებით და კიდევ ერთხელ, რომ არ მივცე სპეკულირების საშუალება  ჩვენ ოპონენტებს, არ ვამბობ იმას რომ ეს ზრდა გამოწვეულია მხოლოდ და მხოლოდ სტატისტიკის გაუმჯობესებით, ვამბობთ, რომ აქ არის უფრო სიღრმისეული პრობლემებიც. დღეს ქვეყანაში მომხდარი კრიმინალური შემთხვევების 62% მოდის ასეთ დანაშაულზე, უფრო მარტივად რომ ვთქვა 1/3 დანაშაულის ეს არის ქურდობა. ყოველი მესამე დანაშაული, ეს არის ქურდობა მიუხედავად იმისა რამდენად მძიმეა. შეიძლება იყოს ელემენტარული წვრილმანი დანაშაული, მაგრამ ჩვენ ამას ვარეგისტრირებთ. ხშირ შემთხვევაში ხდება აღრევა მაგალითად ყაჩაღობის და ქურდობის. ეს აბსოლუტურად სხვადასხვა დნმ-ის მატარებელი დანაშაულია, სხვადასხვა რამეზე ვსაუბრობთ. შემიძლია აბსოლუტურად გულწრფელად გითხრათ, რომ დღეს ჩვენთვის ყველაზე დიდი გამოწვევაა ქურდობა და ეს როგორც მოგახსენეთ ეს არის ყოველი მესამე დანაშაული“, - განაცხადა გიორგი გახარიამ.

(NS)

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

მდინარაძე ავალიანის საქმეზე დაზარებულებს მიმართავს - ნუ დავასწრებთ მოვლენებს

კუპრაძე - მოქალაქეებო კამერებით რუსული სპეცსამსახურები გვითვალთვალებენ, ეს ყველაფერი ივანიშვილის ანტიქართულმა რეჟიმმა აამოქმედა

ივანიშვილის წარმომადგენელი მდინარაძე ქართველ ხალხს ცენზურის უფრო გამკაცრებას და აღსრულებას პირდება

მდინარაძე ქვეყანაში ცენზურის სამსახურის ამოქმედებას კრიტიკულ მედიას და ოპოზიციას აბრალებს