თბილისში საერთაშორისო კონფერენცია „ენერგოეფექტური მშენებლობა" გაიმართა, რომელშიც ეკონომიკისა და მდგრადი განვითარების სამინისტროს წარმომადგენელმა დავით გიგინეიშვილმა მიიღო მონაწილეობა. კონფერენცია უძრავი ქონების ჰაბის „Property Georgia" (www.propertygeorgia.ge), პასუხისმგებლიანი უძრავი ქონების საინვესტიციო საბჭო - საქართველოსა და ინოვაციური ბიზნეს გადაწყვეტილებების ცენტრის C4IBS ორგანიზებით გაიმართა. ფორუმის მხარდამჭერები იყვნენ ეკონომიკისა და მდგრადი განვითარებისა და რეგიონული განვითარებისა და ინფრასტრუქტურის სამინისტროები, აგრეთვე ფონდი მწვანე ზრდისთვის (GGF).

თავის მოხსენებაში ეკონომიკისა და მდგრადი განვითარების სამინისტროს წარმომადგენელმა დავით გიგინეიშვილმა ყურადღება გაამახვილა კანონპროექტზე „შენობების ენერგოეფექტიანობის შესახებ", რომელიც საქართველოს პარლამენტშია წარდგენილი, აგრეთვე კანონქვემდებარე აქტების პროექტებზე - ეროვნულ მეთოდოლოგიასა და შენობებში ენერგოეფექტურობის მინიმალური მოთხოვნების შესახებ. დავით გიგინეიშვილის განცხადებით, კანონპროექტის მიღების შემდეგ სხვა ნორმატიული აქტებიც ამოქმედდება. მისი თქმით, აღნიშნული საკანონმდებლო ბაზის მიღება საქართველოს ვალდებულებაა ენერგეტიკულ გაერთიანებაში გაწევრიანების შემდეგ, ამავე დროს, მშენებლობის სექტორში ახალი ენერგოეფექტურობის ნორმების ამოქმედება პოზიტიურად აისახება როგორც უშუალოდ მშენებლობის ხარისხზე, ასევე საშუალო და გრძელვადიან პერსპექტივაში მნიშვნელოვნად შეამცირებს აღნიშნული შენობების ექსპლუატაციის ხარჯებს.

კონფერენციაზე მონაწილე კომპანიების წარმომადგენლებმა მოხსენებები გააკეთეს შენობების სერტიფიცირების მოდელებზე და ასევე გზებზე, თუ როგორ აშენდეს ენერგოეფექტური შენობები და როგორ იქცეს ძველი მშენებლობები ენერგოეფექტურად.

(NS)

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს