სამთომოპოვებით მრეწველობაში  2018 წელს განხორციელებული პირდაპირი უცხოური ინვესტიციები 29%-ით აღემატება 2017 წლის მონაცემებს, ხოლო 34%-ით  - 2016 წლის მონაცემებს - ეს მაჩვენებლები საქართველოს სტატისტიკის ეროვნულმა სამსახურმა გამოაქვეყნა.

„საქსტატის" ინფორმაციით,  დამამუშავებელ მრეწველობაში  2018 წელს განხორციელებული პირდაპირი უცხოური ინვესტიციები 44%-ით აღემატება 2017 წლის მონაცემებს და 13%-ით 2016 წლის მონაცემებს.

ეკონომიკის სამინისტროს წიაღის ეროვნული სააგენტოს ხელმძღვანელის, მაია ზავრაშვილის შეფასებით, პოზიტიური მოლოდინებია 2019 წელსაც. „ეს განპირობებულია გასულ წელს წიაღის მოპოვების მიზნით გაცემული  ლიცენზიებისა და არსებული მომპოვებელი კომპანიების მიერ მოსაპოვებელი მარაგების ზრდით. 2018 წელს უკვე გაცემული ლიცენზიების შესაბამისად, მოზიდული ინვესტიციების მოცულობა შეადგენს 130 მლნ ლარზე მეტს.  სამთომოპოვებით სექტორში პირდაპირი უცხოური ინვესტიციების ზრდის დინამიკას განაპირობებს წიაღის სექტორში მიმდინარე და განხორციელებული რეფორმები - გეოლოგიურ ინფორმაციაზე ხელმისაწვდომობის გაზრდა, ადმინისტრაციული ბიზნესპროცესების ოპტიმიზაცია, წიაღის შესწავლის სამუშაოების სტიმულირების მიზნით საწყისი სააუქციონო ფასის შემცირება და ა.შ" - აცხადებს ზავრაშვილი.

აღსანიშნავია, რომ  საქართველოს უმსხვილეს ინვესტორთა ათეულში არიან წიაღის მომპოვებელი შემდეგი კომპანიები -  შპს „აიდიეს ბორჯომი საქართველო" (დამამუშავებელი მრეწველობა), სს RMG Copper (სამთომოპოვებითი მრეწველობა), შპს „ჯორჯიან მანგანეზი"  (დამამუშავებელი მრეწველობა).

(NS)

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს