2019-01-31 15:06:40, 1862 ნახვა

---

სტრასბურგის სასამართლომ რუსეთს საქართველოს მოქალაქეების მასოვრივი დეპორტაციის გამო, 10 მილიონი ევროს გადახდა დააკისრა

სტრასბურგის სასამართლომ რუსეთიდან დეპორტირებული საქართველოს მოქალაქეებისთვის კომპენსაციის მიკუთვნების თაობაზე გადაწყვეტილება გამოაცხადა. 

სასამართლომ რუსეთს 10 მილიონი ევროს გადახდა დააკისრა. შესაბამისი გადაწყვეტილება ცოტა ხნის წინ გახდა ცნობილი. საუბარია 2006 წლის შემოდგომაზე რუსეთის ფედერაციიდან საქართელოს მოქალაქეების მასობრივ დეპორტაციაზე. კერძოდ კომპენსაციას 1 500-მდე მოქალაქე მიიღებს. 

კომპენსაციის გადახდას მხარი 16 მოსამართლემ დაუჭირა, ერთი კი, წინააღმდეგი იყო. 

გადაწყვეტილების თანახმად, 2.000 ევროს მიიღებენ ის მოქალაქეები, რომლებთან მიმართებაში ადამიანის უფლებათა ევროპული კონვენციის მე-4 პროტოკოლის მე-4 მუხლი (კოლექტიური გაძევება) დაირღვა, ხოლო 10.000-დან 15.000-მდე ევრო მათ გადაერიცხებათ, ვისთანაც მიმართებაში დარღვეული იყო მე-5 მუხლი (თავისუფლების უკანონო აღკვეთა) და მე-3 მუხლი (დაკავების არაადამიანური და დამამცირებელი პირობები).

 

---

ავტორი: ,

---

დღის თემა

მთავარი თემა

ინტერვიუ - ექსკლუზივი