ზოოპარკის ტერიტორიაზე სოლიდარობის პარკი უნდა გაშენდეს, – ამის შესახებ პრემიერ–მინისტრმა ირაკლი ღარიბაშვილმა ჟურნალისტებთან საუბრისას განაცხადა.

პრემიერი გმირთა მოედანზე განთავსებულ საგანგებო შტაბს ეწვია და მიმდინარე სამუშაოების შესახებ ინფორმაცია მოისმინა. მისი მოსაზრებით, სტიქიამ დღის წესრიგში ზოოპარკის სხვა ტერიტორიაზე გადატანის საკითხი დააყენა.

„აქტიურად განიხილება ზოოპარკის სხვაგან გადატანის საკითხი და მის ტერიტორიაზე კი ვფიქრობთ, რომ ყველაზე კარგი იქნება გაკეთდეს პარკი, პირობითად სოლიდარობის პარკი. კარგი დასასვენებელი პარკი უნდა გაშენდეს ქალაქის ცენტრში,“ – აღნიშნა პრემიერმა.

ცნობისთვის, დღესვე თბილისის მერმა დავით ნარმანიამ განაცხადა, რომ თბილისის ზღვის მიმდებარე ტერიტორიაზე ზოოპარკის გადატანის პროცესი დაჩქარდება. მისივე თქმით, სტიქიამდე დედაქალაქის მთავრობას ზოოპარკის გადატანის თაობაზე მუშაობა უკვე დაწყებული ჰქონდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კრიტიკის ცეცხლში მოყოლილი ისტორიაში ყველაზე ძვირადღირებული მსოფლიო ჩემპიონატი ფეხბურთში

აშშ-ის სასამართლომ ტრამპის 1.8 მილიარდი დოლარის ოდენობის კომპენსაციის ფონდი დაბლოკა

პაპუაშვილი - პარლამენტში პარტია „საქართველოსთვის“ სახელით მყოფი ხალხი უნდა მიხვდეს, რომ გაქცეული გახარია ამათ დასცინის

ბენზინის დეფიციტის გამო, რუსეთი თვითმფრინავებისთვის საწვავის პრობლემებია