2018-11-28 11:08:34, 1436 ნახვა
სამართალი
შსს-მ გლდანში ჟურნალისტის ცემის ფაქტზე გამოძიება დაიწყო
შინაგან საქმეთა სამინისტრომ გლდანში, ჟურნალისტის ცემის ფაქტზე გამოძიება დაიწყო.
როგორც „ექსპრესნიუსს“ უწყებაში განუცხადეს, გამოძიება სსკ-ის 126-ე მუხლით მიმდინარეობს, რაც ძალადობას გულისხმობს.
შეგახსენებთ, „TV პირველმა“ გაავრცელა ინფორმაცია, რომ არხის ჟურნალისტ თათია ჩაფიჩაძეს მუშაობის დროს ხელი დაარტყეს. როგორც არხის წამყვანმა ნათია ტრაპაიძემ განაცხადა, ჟურნალისტი თბილისში, კერძოდ გლდანში ტელეფონით ცდილობდა გადაეღო თუ როგორ გადაჰყავთ ამომრჩევლები რეგიონში ავტობუსებით. სწორედ ამ დროს ჩაფიჩაძეს ფიზიკური შეურაცხყოფა მიაყენეს.
თავად ჟურნალისტმა პირდაპირ ეთერში აღნიშნა, რომ მას შეურაცხყოფა მიაყენეს ადამიანებმა, რომლებსაც აცვიათ მაისურები წარწერით “არა ნაცებს”.
![]()
ავტორი: ,
epn.ge (@expressnews.ge)
