„საქართველოსა და ევროკავშირს შორის ურთიერთობები ასეთი ძლიერი არასდროს ყოფილა“, - ამის შესახებ ევროკავშირის ელჩმა საქართველოში, კარლ ჰარცელმა საგარეო საქმეთა სამინისტროში გამართულ შეხვედრაზე სიტყვით გამოსვლისას განაცხადა.

მან 21 ნოემბერს ბრუსელში დაგეგმილ შეხვედრაზე გაამახვილა ყურადღება, რომელშიც საქართველო პრემიერ-მინისტრის ხელმძღვანელობით მიიღებს მონაწილეობას.

„ევროკავშირი მკაფიოდ აღიარებს საქართველოს წარმატებას და პროგრესს რეფორმების კუთხით ასოცირებისა და თავისუფალი სავაჭრო ხელშეკრულების საფუძველზე. ვაფასებთ უვიზო რეჟიმს, რომელიც შარშან ამოქმედდა. საქართველო ასევე არის სანდო პარტნიორი და წვლილი შეაქვს ევროკავშირის კრიზისების მართვაში, რასაც ასევე ვაფასებთ. მომავალ კვირას ბრიუსელში გაიმართება შეხვედრა, რომელშიც მონაწილეობას მიიღებს მთავრობა და ევროკომისიის წევრები, რაც არასდროს არ მომხდარა. ეს იქნება კარგი შესაძლებლობა, სამომავლო თანამშრომლობის სფეროებზე სასაუბროდ“, - განაცხადა კარლ ჰარცელმა.

ცნობისთვის, საქართველოს საგარეო საქმეთა მინისტრმა დავით ზალკალიანმა საქართველოში აკრედიტებული ევროკავშირის წევრი ქვეყნების წარმომადგენლებთან შეხვედრა გამართა. საგარეო უწყების ინფორმაციით, შეხვედრაზე საუბრის მთავარი თემა ევროკავშირთან ურთიერთობებში ბოლო პერიოდში არსებული განვითარებები იყო.

ავტორი: ,

სოციალური ქსელები

კობახიძე - არაფორმალური ოლიგარქიული გავლენებით მოქმედი სხვა ევროპული ინსტიტუტების მსგავსად, უკვე ეუთოც ღიად ჩართეს პროცესში

რუმინეთის საგარეო მინისტრი - საქართველს უნდა ჰქონდეს ჯანსაღი დემოკრატია

საქართველოს ბანკის მხარდაჭერით, მცირე და საშუალო ბიზნესისთვის მზის ენერგიის სექტორის განვითარებაზე შეხვედრა გაიმართა

კალასი - ჩვენ არ გვსურს საქართველოს მთავრობის მხარდაჭერა, ჩვენ გვინდა, მხარი დავუჭიროთ ქართველ ხალხს