„ასე გვეძახდნენ ზუსტად, რომ მირზა სუბელიანს ვერ დავიჭერდით და ის დღეს არის პატიმარი. რამდენსაც გადაწყვეტს ქართული სასამართლო იჯდება ზუსტად იმდენ ხანს“, - ამის შესახებ შინაგან საქმეთა მინისტრმა გიორგი გახარიამ ჟურნალისტებს განუცხადა.

მინისტრმა ხაზი გაუსვა, რომ მირზა სუბელიანის დაკითხვის საფუძველი გახდა ჩვენება, რომელიც ხორავას ქუჩის საქმეზე ბრალდებულებმა, ბოლო სასამართლო პროცესზე მისცეს.

„დღეს მე არა მაქვს არანაირი უფლება და არანაირი სურვილი დეტალებში ვისაუბრო ამ საქმეზე, რადგან ვართ არჩევნების პროცესში და ეს ყველაფერი კეთდება არჩევნების კონტექსტიდან გამომდინარე. გარწმუნებთ რომ ყველა ამ შეკითხვაზე იქნება მიცემული როგორც სამართლებრივი პასუხი, ისე პოლიტიკური პასუხი მას შემდეგ რაც შინაგან საქმეთა სამინისტრო ქვეყანასთან ერთად ჩაატარებს მშვიდ უსაფრთხო გარემოში არჩევნებს და მივიღებთ იმ შედეგს, რომელსაც ქართველი ხალხი გადაწყვეტს“, - განაცხადა მინისტრმა.

მან ხაზი გაუსვა, რომ ყველა საქმე, რომელიც დღეს სხვადასხვა ტელევიზიების განხილვის საგანია და სხვადასხვა ინტონაციებით და რეგისტრებით განიხილება სწორედ არჩევნების კონტექსტიდან გამომდინარეობს.

„ეს შედის იმ პოლიტიკური კონკიუნქტურის ინტერესებში, რომელმაც უნდა რომ დაძაბულობით და ტემპერატურის გაზრდის შედეგად მიაღწიოს არჩევნებში რაღაც შედეგებს“, - განაცხადა გახარიამ.

ავტორი: ,

სოციალური ქსელები

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა

საია: ხოშტარია პოლიტპატიმარია, მისთვის ადეკვატური მკურნალობა უნდა იყოს უზრუნველყოფილი

ოპოზიციონერ ზვიად კუპრავას სასამართლომ 2 წლითა და 6 თვით თავისუფლების აღკვეთა მიუსაჯა

ხოშტარია - არ არსებობს მდგომარეობა, როდესაც რომელიმე „ქოცი“, ბიძინა ივანიშვილით დაწყებული პატარა ზარქუათი დამთავრებული მსხვერპლის როლში დამინახავს