„პატრიოტთა ალიანსის“ ერთ-ერთი ლიდერი ირმა ინაშვილი მზად არის პროკურატურის ყოფილ მაღალჩინოსანს მირზა სუბელიანს სასჯელაღსრულების დაწესებულებაში შეხვდეს.

როგორც ინაშვილმა ჟურნალისტებს განუცხადა, შესაბამისი ინიციატოვით ის პარლამენტის თავმჯდომარეს ირაკლი კობახიძეს დღეს, ბიუროს სხდომის დასრულების შემდეგ მიმართავს.

მისივე შეფასებით, თუ მირზა სუბელიანის შესაძლო მონაწილეობით გავრცელებული აუდიოჩანაწერის ნახევარი მაინც რეალურია, სახელმწიფოებრივი პრობლემა არსებობს.

"რასაც ვუსმენთ, აქ თეატრალიზების ხარისხი იმდენად დიდია, რომ საზოგადოება პრაქტიკულად ვეღარ არკვევს, სად არის სიმართლე და სად — არ არის. რასაც ვისმენთ, თუ თატრალიზების ამ ხარისხს ჩამოვაცილებთ და ამ ყველაფერში არის სიმართლის ნახევარი მაინც, ე.ი. ჩვენ გვაქვს სახელმწიფოებრივი პრობლემები. ამიტომ, მე დღესვე მივმართავს პარლამენტის თავმჯდომარეს, მომეცეს საშუალება პირადად შევხვდე ბატონ სუბელიანს. საჯაროდ ვერთვები ამ პროცესში და მინდა მისგან მივიღო ინფორმაცია ყველაფერი იმის შესახებ, რაც ჩვენ მოვისმინეთ. ეჭვი არავის შეეპაროს, რომ ვიქნები ობიექტური და არც ერთ შემთხვევაში არ დავუშვებ იმას, რომ თუ არის სიმართლე სადღაც, ეს სიმართლე დაიკარგოს. მთელი პრეროგატვა დღეს არის გადატანილი გამოძიებაზე. ბოლოს და ბოლოს ჩვენ ისეთ გამოძიებასთან უნდა გვქონდეს საქმე, რომელიც კონკრეტულ შედეგებს დადებს. ჩვენ ყოველთვის გვესმის, რომ აღძრულია საქმე, მიმდინარეობს გამოძიება და მერე არაფერი. მზად ვარ, თუ ბატონი სუბელიანი თანახმა იქნება მედიის თანდასწრებით შედგეს ეს შეხვედრა და მივიღო უშუალოდ მისგან ინფორმაცია, რომელსაც გავასაჯაროვებ. მნიშვნელოვანია საზოგადოებამ, ყოველგვარი თეატრალიზებული ელემენტების გარეშე უცოდეს სად არის ტყუილი და სიმართლე“, - განაცხადა ირმა ინაშვილმა.

ავტორი: ,

სოციალური ქსელები

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის

სიკორსკი: რუსეთს პოლონეთზე თავდასხმის რესურსები არ აქვს, მაგრამ ისინი რაღაცას ამზადებენ