აჭარის ტურიზმის დეპარტამენტის თავმჯდომარე სულხან ღლონტი აჭარის საგანგებო სიტუაციების მართვის მთავარი სამმართველოს ხელმძღვანელს ირაკლი თოიძეს შეხვდა. შეხვედრაზე ზაფხულის ტურისტული სეზონი და სამაშველო სამსახურების საქმიანობა შეაჯამეს. 

1 ოქტომბრისთვის, აჭარაში სეზონურმა სამაშველო სამსახურებმა საქმიანობა დაასრულეს. არასაზღვაო ტურისტულ სეზონზე  აჭარის საგანგებო სიტუაციების მართვის მთავარი სამართველოს საზღვაო ტრანსპორტის განყოფილება ჩვეულ რეჟიმში გააგრძელებს საქმიანობას. 

„პირველი ოქტომბრიდან ჩვენი საზღვაო ტრანსპორტის განყოფილების მობილური ეკიპაჟები 24 საათის განმავლობაში გააკონტროლებენ საზღვაო პერიმეტრს რეგიონის მაშტაბით. ამ ეტაპისთვის საქმიანობა დაასრულეს სეზონურმა მაშველებმა. ზაფხულის ტურისტული სეზონის განმავლობაში ჩვენთან მუშაობდა 135 სეზონური მაშველი, რომელთა თავდადების შედეგად 4 თვის განმავლობაში 165 ადამიანის გადარჩენა შევძელით,“  შეხვედრაზე განაცხადა აჭარის საგანგებო სიტუაციების მართვის მთავარი სამმართველოს ხელმძღვანელმა ირაკლი თოიძემ. 

შეხვედრაზე სულხან ღლონტმა სამაშველო სამსახურების ოპერატიულობასა და წარმატებულ საქმიანობას გაუსვა ხაზი, ადგილობრივი მოსახლეობის, საერთაშორისო და შიდა ტურისტების უსაფრთხოების უზრუნველყოფისთვის საგანგებო სიტუაციების მართვის  სამმართველოს ხელმძღვანელს მადლობა გადაუხადა.  

„ჩვენ შევაჯამეთ საზღვაო სეზონის პერიოდში განხორციელებული ღონისძიებები. წელს, სამაშველო სამსახურის თანამშრომლებმა განსაკუთრებული თავდადება გამოიჩინეს. 1 ივნისიდან 1 ოქტომბრის ჩათვლით სეზონურმა მაშველებმა აჭარაში 165 ადამიანის სიცოცხლე გადაარჩინეს, რომელთა შორის 39 არასრულწლოვანი და 74 უცხო ქვეყნის მოქალაქე იყო. ეს არის სამსახური, რომლის ყველა თანამშრომელი ღირსეულად და პროფესიონალურად აკეთებს საქმეს. მიუხედავად იმისა, რომ სეზონურმა მაშველებმა პირველ ოქტომბერს დაასრულეს სამსახური,  საზღვაო ტრანსპორტის განყოფილება, 24 საათან რეჟიმში მცურავი საშუალებებით განახორციელებენ პატრულირებას.“ განაცხადა აჭარის ტურიზმის დეპარტამენტის თავმჯდომარე სულხან ღლონტმა.  

(NS)

ავტორი: ,

სოციალური ქსელები

ტრამპს სურს, რომ ჯანი ინფანტინო გაეროს შემდეგი გენერალური მდივანი გახდეს - New York Post

აშშ-ის მოკავშირეები ახლო აღმოსავლეთში ტრამპს ირანში სახმელეთო შეჭრის დაწყებისკენ მოუწოდებენ

უკრაინამ კრასნოდარსა და ნევინომისკში Wildberry-ის საწყობებს დაარტყა. რვა ადამიანი დაშავდა

ვინ არის გენერალ-მაიორი მიხაილო დრაპატი, უკრაინის შეიარაღებული ძალების ახალი მეთაური