ხელვაჩაურის მუნიციპალიტეტის სოფელ კაპნისთავში შუა საუკუნეებით დათარიღებული მარანი აღმოაჩინეს. ძეგლი ზღვის დონიდან 220-230 მ-ზე მდებარეობს. 11 ქვევრი, რომელიც საუკუნეების განმავლობაში მიწით ამოივსო, 128 კვ/მეტრზეა განთავსებული.

მარანი VI-XI საუკუნეებს განეკუთვნება. ქვევრების ფორმით დასტურდება, რომ ჭურჭელი არის როგორც ქართული, ასევე სავარაუდოდ ბიზანტიური სტილის. მარანი ადგილობრივმა ხასან კახიძემ თავის საკარმიდამო ნაკვეთში 2 კვირის წინ აღმოაჩინა. არქეოლოგები ამ დროისათვის ეგრეთწოდებულ „მარნის უბანში“ და იქვე, შედარებით ქვევით მდებარე ობიექტზე ე.წ. ყურღელეში მუშაობენ, სადაც ბრინჯაოს ხანის საყოფაცხოვრებო ნივთებია ნაპოვნი. ამ ძეგლის აღმოჩენით კიდევ ერთხელ დასტურდება, რომ აჭარის რეგიონს აქვს ღვინის წარმოების მრავალსაუკუნოვანი ტრადიციები. სოფელ კაპნისთავში დღეს აჭარის მთავრობის თავმჯდომარე არჩილ ხაბაძე იმყოფებოდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი

დიუშენის დაავადების მქონე ბავშვების მშობლები: „გადავარჩინოთ ჩვენი შვილები“