„წინადადება  შემომთავაზა მამუკა ბახტაძემ... როდესაც დავთანხმდი, შევხვდი ბიძინა ივანიშვილს, იმიტომ რომ იგი არის პარტიის ლიდერი“, - ასე უპასუხა ეკონომიკისა და მდგრადი განვითარების მინისტრობის კანდიდატმა გიორგი ქობულიამ ენმ-ს წევრის, რომან გოცირიძის კითხვას.

გოცირიძე დაინტერესდა, იცნობს თუ არა ქობულია მამუკა ბახტაძესა და ბიძინა ივანიშვილს და ვინ გაუწია მას რეკომენდაცია.

„ძალიან ბევრი რამ მაკავშირებს სქართველოსთან და პრაქტიკულად თვეში 3-4 დღე ყოვეთვის თბილისში ვიყავი, ამიტომ ემიგრაციაში არასდროს არ ვყოფილვარ. ვინ მომიყვანა ამ სამსახურში და პოზიციაზე? მე წინადადება  შემომთავაზა მამუკა ბახტაძემ, რომელსაც მე არ ვიცნობდი, მაგრამ ერთხელ მყავდა ნანახი, მას სმენია ჩემს შესახებ და  გაიკითხეს, გამოიკითხეს და გადაწყვიტეს, რომ ასეთი კვალიფიკაციის ადამიანი სჭირდებოდათ. ამ თვალსაზრისით შემომთავაზეს და მე ამ წინადადებით დავინტერესედი. ყოველთვის მინდოდა საქართველოში დაბრუნება, რაღაცის გაკეთება, ეს ჩემთვის დიდი გამოწვევა და დიდი ინტერესია. როდესაც დავთანხმდი ამ წინადადებას, მე შევხვდი ბიძინა ივანიშვილს, იმიტომ რომ იგი არის პარტიის ლიდერი და რა თქმა უნდა, მე მაინტერესებდა, რამდენად ეთანხმებოდა ჩემი ხედვა და ბიძინა ივანიშვილის ხედვა, როგორც პარტის ხელმძღვანელის. მისგან მინდოდა რჩევა მიმეღო და გამეგო, ანუ რისი გაკეთებაც მე მინდა, თუ ეს მისაღები იქნებოდა ამ კონტექსტში. ბიძინა ივანიშვილს ვიცნობ“, - განაცხადა გიორგი ქობულიამ.

ავტორი: ,

სოციალური ქსელები

ექსპრეს ლომბარდი საკომუნიკაციო კამპანიას „ჰკითხე ექსპერტს“ აგრძელებს

Global Finance-მა BOG 2026 წლის საუკეთესო Sub-Custodian ბანკად დაასახელა ქვეყანაში

კალაძე სკვერში მოზარდის დაზიანებაზე: ყველაფერი ჩემი ბრალია — ეს გინდათ თქვენ

საქართველოს ბანკმა ახალი YouTube პროექტი დაიწყო - უყურე “Creator ჩემპიონატს” არ გაჩერდეს არხზე