ირაკლი კობახიძე: ჩვენ გადავდივართ ქვეყნის განვითარების ახალ ეტაპზე

2018-06-20 21:06:18, 799 ნახვა

კომენტარი

„ღირსეული პრემიერ-მინისტრი ეყოლება ჩვენს ქვეყანას, რომელიც დარწმუნებული ვარ, წარმატებით გაუძღვება ქვეყნის მართვას“, - ამის შესახებ საქართველოს პარლამენტის თავმჯდომარე ირაკლი კობახიძემ ჟურნალისტებთან საუბრისას განაცხადა.

მისი თქმით, ქვეყანა განვითარების ახალ ეტაპზე გადადის.

„დღევანდელი დღის მთავარი მოვლენა იყო მამუკა ბახტაძისთვის ნდობის გამოცხადება პრემიერ მინისტრის თანამდებობაზე და მე მოხარული ვარ, რომ ამ პოზიციას იკავებს ღირსეული ადამიანი. ღირსეული პრემიერმინისტრი ეყოლება ჩვენს ქვეყანას, რომელიც დარწმუნებული ვარ წარმატებით გაუძღვება ქვეყნის მართვას. ეს იყო ძალიან მნიშვნელოვანი გადაწყვეტილება. ჩვენ გადავდივართ ჩვენი ქვეყნის განვითარების ახალ ეტაპზე და მე მინდა, წარმატებები ვუსურვო მამუკა ბახტაძეს“, - განაცხადა ირაკლი კობახიძემ.

ცნობისთვის, საქართველოს პარლამენტმა 99 ხმით მთავრობის შემადგენლობა დაამტკიცა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები