მირზა სუბელიანთან გვქონდა კითხვები და დარწმუნებული ვარ, მომავალშიც გაგვიჩნდება, – ამის შესახებ ცენტრალური კრიმინალური პოლიციის დეპარტამენტის დირექტორმა, ვლადიმერ ბორცვაძემ პირველი არხის ეთერში, სუბელიანის შესაძლო დაკავების შესახებ გავრცელებული ინფორმაციის კომენტირებისას განაცხადა.

მისი თქმით, წინასწარ ვერ გააკეთებს პროგნოზს, თუ ვისი დაკავება იგეგმება.

„კითხვები რა თქმა უნდა გვქონდა ამ პიროვნებასთან, მომავალშიც გაგვიჩნდება, დარწმუნებული ვარ. ჩვენ დავკითხავთ ყველა ადამიანს, ვისზეც მივიჩნევთ, რომ ფლობს ამ საქმესთან დაკავშირებით გარკვეულ ინფორმაციას და თუ მოვიპოვებთ მტკიცებულებებს, შევაგროვებთ სათანადო მტკიცებულებებს კონკრეტული პირის მიმართ, დავაკმაყოფილებთ იმ სტანდარტს, რომელიც აუცილებელია ბრალდების წარსადგენად. გარანტიას გაძლევთ, ყველა იმ პირის მიმართ, რომელსაც დავუდასტურებთ, რომ დანაშაული ჩაიდინა, დავიწყებთ სისხლისსამართვლებრივ დევნას“, – განაცხადა ვლადიმერ ბორცვაძემ.

შეგახსენებთ, პროკურატურის ყოფილი თანამშრომელი მირზა სუბელიანი, რომლის შვილი თბილისში, ხორავას ქუჩაზე არასრულწლოვნების მკვლელობის საქმის ერთ-ერთი მოწმეა, შინაგან საქმეთა სამინისტროში გუშინ დაკითხეს. ხორავაზე მოკლული ერთ-ერთი არასრულწლოვნის მამა, ზაზა სარალიძე მირზა სუბელიანს დამნაშავეების მფარველობაში ადანაშაულებს.

ავტორი: ,

სოციალური ქსელები

ALGORITHM WATCH:შსს-მ სახის ამომცნობი კამერები მოსკოვში დაფუძნებული კომპანიისგან შეისყიდა

პატარიძე ხოშტარიაზე: ექიმის დასკვნის გარეშე ბრიფინგებით საუბარი "აბსურდის თეატრია"

მზადება ახალი თავგადასავლისთვის - თიბისის მობაილბანკში მასშტაბური მარათონი ბრუნდება

უკრაინის უსაფრთხოების სამსახურმა ერთ თვეში მეორე დარტყმა განახორციელა ნავთობის სატუმბი სადგურზე, რომელიც მოსკოვს საწვავს ამარაგებდა