უკრაინა სირიის რეჟიმის გადაწყვეტილებას ბათილად მიიჩნევს

2018-05-29 22:21:28, 1692 ნახვა

პოლიტიკა

საქართველოს ოკუპირებული ტერიტორიების სირიის რეჟიმის მიერ ე.წ აღიარებას უკრაინა საერთაშორისო სამართლის პრინციპების დარღვევად აფასებს.

ამის შესახებ უკრაინის საგარეო საქმეთა სამინისტრომ სპეციალური განცხადება გაავრცელა, სადაც ნათქვამია, რომ გადაწყვეტილება ცხადყოფს ასადის რეჟიმის სურვილს, კრემლს ასიამოვნოს.

„უკრაინის საგარეო საქმეთა სამინისტრო მკაცრად გმობს სირიის მიერ საქართველოს ოკუპირებული ტერიტორიების, აფხაზეთისა და ცხინვალის რეგიონის/სამხრეთ ოსეთის აღიარებას და მათთან დიპლომატიური ურთიერთობების დამყარებას. ამასთან უკრაინა მხარს უჭერს საქართველოს სუვერენიტეტსა და ტერიტორიულ მთლიანობას და საერთაშორისო სამართლის შესაბამისად დამასკოს გადაწყვეტილებას ბათილად მიიჩნევს“, – ნათქვამია უკრაინის საგარეო უწყების განცხადებაში.

Statement of the ???????? MFA on the decision of #Syria to recognize the independence and to establish diplomatic relations with the occupied territories of #Georgia.https://t.co/64O01byweL pic.twitter.com/o124KTKs69
— MFA of Ukraine ???????? (@MFA_Ukraine) May 29, 2018