რუსთაველის გამზირზე ვითარება უკიდურესად დაიძაბა.

9 აპრილის მემორიალთან, სადაც „თეთრი ხმაურის მოძრაობა“ აქციას მართავს, კონტრაქციის მონაწილეები ცდილობენ მისვლას. მათ ამის საშუალებას სამართალდამცავები არ აძლევენ.

კონტრაქციის მონაწილეები პერიოდულად ცდილობენ პოლიციის კორდონები გაარღვიონ, თუმცა უშედეგოდ. ერთ-ერთი მცდელობის დროს სამართალდამცველებმა 3 პირი დააკავეს. მათგან ერთ-ერთს სასწრაფო სამედიცინო დახმარება დასჭირდა, თუმცა მისი გადაყვანა საჭირო არ გახდა.

აღსანიშნავია, რომ ტერიტორიაზე სამართალდამცველების დამატებითი ძალებია მობილიზებული. კონტრაქცია მიმიდნარეობს როგორც თავისუფლების მოედნის, ისე კინო რუსთაველის  მხრიდან.

ცნობისთვის, მეორე დღეა პარლამენტის წინ „თეთრი ხმაურის მოძრაობის“ ორგანიზებით აქცია მიმდინარეობს, სადაც კლუბებში ჩატარებულ სპეცოპერაციას აპროტესტებენ. წუხელ აქციის რამდენიმე მონაწილემ 9 აპრილის მემორიალზე იცეკვა, რასაც საზოგადოების ნაწილის გაღიზიანება მოჰყვა. ისინი აცხადებენ, რომ ამ ქმედებით მემორიალის შეურაცხყოფა მოხდა და კონტრაქციებს მართავენ.

ავტორი: ,

სოციალური ქსელები

დააკავეს კაცი, რომელმაც მიუსაფარი ძაღლი დაჭრა

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს