ქაშვეთის ეკლესიასთან სპეცრაზმია მობილიზებული

2018-05-12 17:46:12, 1404 ნახვა

საზოგადოება

ქაშვეთის ეკლესიის მიმდებარე ტერიტორიაზე სპეცდანიშულების რაზმია მობილიზებული.

კერძოდ, სპეციალური დანიშნულების რაზმის წარმომადგენლები ეკლესიის უკანა მხარეს იმყოფებიან.

ვრცელდება ინფორმაცია, რომ პარლამენტის მიმდებარე ტერიტორიაზე, სადაც საპროტესტო აქცია მიმდინარეობს წყლის ჭავლის მანქანების მოყვანა იგეგმება, თუმცა აღნიშნულს უწყებაში არ ადასტურებენ,

ამასთან, რუსთაველის გამზირზე საავტომობილო გზის ნაწილი, მომიტინგეებს გადაკეტილი აქვთ. აქციაში ათასზე მეტი ადამიანი მონაწილეობს.

ცნობისთვის, აქციის მონაწილეების მოთხოვნებია: დაუყოვნებლივ დატოვოს თანამდებობა პრემიერმა გიორგი კვირიკაშვილმა; უპირობოდ გადადგეს საკუთარ ხალხზე მოძალადე შს მინისტრი გიორგი გახარია; დაისაჯოს 12 მაისის შავი პარასკევის ძალადობრივ ოპერაციაზე პასუხისმგებელი ყველა პირი; მმართველ ძალაში ხალხის მხარეს მყოფი პოლიტიკოსები გაემიჯნონ ხელისუფლების მიერ არჩეულ ძალადობრივ კურსს.