ნიკოლ ფაშინიანი მზადაა, პრემიერ-მინისტრის პოსტი დაიკავოს

2018-04-25 10:40:41, 2063 ნახვა

მსოფლიო

ოპოზიციონერი დეპუტატის ნიკოლ ფაშინიანის განცხადებით, იმისათვის, რომ სომხეთში მდგომარეობა გამოსწორდეს, პრემიერ-მინისტრად ხალხის მიერ არჩეული კანდიდატი უნდა დაინიშნოს, - ამის შესახებ "სპუტნიკი" იუწყება.

როგორც ფაშინიანმა აღნიშნა, თუ ხალხის ნება იქნება, ის მზად არის პრემიერის თანამდებობა დაიკავოს.

"დიდი ალბათობით ასეც მოხდება. პრემიერ-მინისტრის პოსტზე არ დაინიშნება "რესპუბლიკური პარტიის" კანდიდატი, მათ შორის არ უნდა დაინიშნოს არც პირველი ვიცე-პრემიერი კარენ კარაპეტიანი. მე მხარს ამომრჩეველთა 90% მიჭერს", - განაცხადა ფაშინიანმა.

მისივე თქმით, "რესპუბლიკური პარტიის" მმართველობა დასრულდა და ყველა მცდელობა, მათი რეაბილიტაცია განხორციელდეს, უშედეგო იქნება.

მედია საშუალების ინფორმაციით, სომხეთში ვადამდელი არჩევნები 1-2 თვის ვადაში ჩატარდება.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები