„ამაყი ვარ და საქართველოს გულის ძგერას ვგრძნობ, ვიცი ისინი რასაც გრძნობენ. ქართველები იბრძვიან, რომ იყვნენ თავისუფლები, ისინი იბრძვიან, რომ იყვნენ ევროპის ნაწილი. მე ძალიან ამაყი ვარ და ისინიც ძალიან ამაყი არიან“, - ამის შესახებ ევროვიზიის ქართველმა კონკურსანტმა ნინა სუბლატმა პირველი ნახევარფინალის შემდეგ გამართულ პრესკონფერენციაზე განაცხადა.

საქართველოს "საზოგადოებრივი მაუწყებლის" ჟურნალისტის შეკითხვაზე: "არის თუ არა საქართველო მებრძოლი ქვეყანა?"ქართველმა მომღერალმა უპასუხა:

"ხშირად მესმის კითხვა: რატომ "მებრძოლი", რატომ არის სიმღერის სახელწოდება "მებრძოლი". ალბათ, უცნაურია, რომ 20 წლის გოგონა ასე აზროვნებს და იმაზე ფიქრობს, რომ იყოს მებრძოლი, იყოს ფემინისტი. საქართველოს მართლა აქვს ბრძოლის მიზეზი. ჩვენი ქვეყანა პატარაა და ბევრი ცდილობს ჩვენ განადგურებას. ძნელია იმის სიტყვებით ახსნა, თუ რას ნიშნავს საქართველოსთვის მებრძოლი სული, იმიტომ, რომ ჩვენ უკვე საუკუნეებია ვიბრძვით. ეს ისტორიაა, ეს არ არის მარტივი შეკითხვა", - განაცხადა ნინა სუბლატმა.

შეგახსენებთ, ნინა სუბლატი მსმენელის წინაშე საკონკურსო სიმღერით მებრძოლი (Warrior) მე-16 ნომრად წარდგა. მეორე ნახევარფინალი 21 მაისს გაიმართება, ფინალი კი 23 მაისს შედგება, სადაც 2015 წლის ევროვიზიის გამარჯვებული გამოვლინდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი

დიუშენის დაავადების მქონე ბავშვების მშობლები: „გადავარჩინოთ ჩვენი შვილები“