„ნებისმიერი ჩვენი განცხადება ლარის კურსზე ახდენს გავლენას“, - ამის შესახებ ეროვნული ბანკის პრეზიდენტის მოადგილემ არჩილ მესტვირიშვილმა პარლამენტში ადამიანის უფლებათა დაცვის კომიტეტის სხდომაზე განაცხადა, სადაც ეროვნული ბანკის 2014 წლის ანგარიშს განიხილავდნენ. 
მისი თქმით, მნიშვნელოვანია, რომ ეს ყველა მხარემ გაითვალისწინოს. 
“მცურავი გაცვლითი კურსის რეჟიმის დროს ნებისმიერ განცხადებას კურსზე გავლენა აქვს. არამარტო ეროვნული ბანკის, ასევე ექსპერტების თუ სხვა ავტორიტეტის მქონე პირების განცხადებებს აქვს გავლენა კურსზე და მნიშვნელოვანია, რომ ეს ყველას გვესმოდეს. ამიტომ ჩვენ მაქსიმალურად ვცდილობთ მოზომილი განცხადებები გავაკეთოთ. ხანდახან კრიტიკაა, თუ რატომ არ გამოვდივართ ყოველდღე და არ ვსაუბრობთ ამაზე. ნებისმიერ ჩვენს განცხადებას აქვს კურსზე გავლენა”, - განაცხდა არჩილ მესტვირიშვილმა.
მისივე განმარტებით, ბოლო რამდენიმე კვირის განმავლობაში ლარის კურსი ცოტათი უფრო მეტად იყო გაუფასურებული, ვიდრე უნდა ყოფილიყო. 
"გარკვეული უარყოფითი მოლოდინების გამო, ბოლო რამდენიმე კვირის განმავლობაში კურსი ცოტათი უფრო მეტად არის გაუფასურებული, ვიდრე უნდა ყოფილიყო. ამ მოლოდინების გარკვეულმა მოთოკვამ, ან კურსის იმ დონეზე გაუფასურებამ, რომ შემდეგ უკვე საპირისპირო მოლოდინები გააჩინა, გამოიწვია ამ ტენდენციის შემობრუნება. ეს დამახასიათებელია მცურავი გაცვლითი კურსისთვის და შეიძლება ვთქვათ, რომ ეს ნორმალური პროცესია", - განაცხადა მესტვირიშვილმა.
ამასთან,  მესტვირიშვილის  განცხადებითვე, ლარის გაუფასურების პროცესში განსაკუთრებულ ან მიზანმიმართულ სპეკულაციურ ქმედებებს ეროვნულ ბანკში გამორიცხავენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რატომ ჰგავს რეჟიმის ინიციატივა, დაამკვიდროს აღვირახსნილი ცენზურა რუსულ მოდელს - განვიხილავთ დეტალურად

„გაიარე მეტი უსაფრთხოდ“ - „თეგეტას“ ახალი კამპანია საგზაო უსაფრთხოების კულტურის გასაძლიერებლად

Anchorსაქართველოს ბანკისა და ლურჯი მოცვის მწარმოებელთა ასოციაციის თანამშრომლობის ფარგლებში, საქართველოს საერთაშორისო მოცვის ორგანიზაციის თავმჯდომარე ეწვია

საერთაშორისო განათლების ახალი შესაძლებლობები - საქართველოს ბანკისა და LEAF-ის ახალი პარტნიორობა