კოსოვოს პარლამენტში ოპოზიციონერმა დეპუტატებმა ცრემლსადენი გაზი გაუშვეს. 

უცხოური მედიის ცნობით, ამგვარად ოპოზიციამ მონტენეგროსთან საზღვრის დემარკაციის შესახებ შეთანხმებასთან დაკავშირებით კენჭისყრის ჩაშლა სცადა.

სხდომათა დარბაზში ცრემლსადენი გაზის გაშვების გამო, პარლამენტის წევრები იძულებულები გახდნენ, სხდომა დაეტოვებინათ.

ხმის მიცემა მხოლოდ მეხუთე მცდელობისას მოხერხდა. კოსოვოს პარლამენტმა მონტენეგროსთან საზღვრის შესახებ 2015 წლის შეთანხმების რატიფიკაცია მოახდინა, რაც ერთ-ერთი მთავარი წინაპირობა იყო ევროკავშირთან უვიზო მიმოსვლის მოსაპოვებლად.

კოსოვოსა და მონტენეგროს შორის შეთანხმება 2015 წელს გაფორმდა. ოპოზიციის მტკიცებით, შეთანხმების ამოქმედების შედეგად კოსოვო 8000 ჰექტარ ტერიტორიას დაკარგავს. მონტენეგროს აღნიშნული შეთანხმება უკვე რატიფიცირებული აქვს.

კოსოვომ დამოუკიდებლობა 2008 წელს გამოცცხადდა. კოსოვოს დამოუკიდებელობა  მსოფლიოს 100-ზე მეტმა  ქვეყანამ აღიარა. თუმცა, მის დამოუკიდებლობას დღემდე არ აღიარებს ევროკავშირის ხუთი წევრი ქვეყანა, ასევე რუსეთი, ჩინეთი, უკრაინა და საქართველო.

ავტორი: ,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს