საფრანგეთი, კანადა, ესტონეთი, გერმანია და ნორვეგია ანექსირებულ ყირიმში ჩატარებულ რუსეთის საპრეზიდენტო არჩევნებს გმობენ, - ამის შესახებ უცხოური მედია იუწყება.

საფრანგეთის საგარეო საქმეთა მინისტრის ჟან ივ ლე-დრანის განცხადებით, ქვეყანა უკრაინის ტერიტორიულ მთლიანობასა და სუვერენიტეტს მხარს უჭერს.

"ყირიმის 4-წლიანი ანექსიის თავზე, საფრანგეთი უკრაინის ტერიტორიულ მთლიანობას კიდევ ერთხელ უჭერს მხარს", - ნათქვამია საფრანგეთის საგარეო მინისტრის განცხადებაში.

ამასთან, კანადის საგარეო უწყებაში აცხადებენ, რომ ისინი უკრაინის ტერიტორიული მთლიანობის დარღვევას გმობენ. რაც შეეხება ესტონეთს, საგარეო საქმეთა მინისტრის სვენ მიკსერის თქმით, ქვეყანა ანექსირებულ ყირიმში რუსეთის საპრეზიდენტო არჩევნების შედეგებს არ აღიარებს. ანექსირებულ ყირიმში რუსეთის საპრეზიდენტო არჩევნების ჩატარება ნორვეგიამ და გერმანიამაც დაგმეს. ნორვეგია ყირიმში საპრეზიდენო არჩევნების შედეგებს არ აღიარებს. "ნორვეგია არ აღიარებს რუსეთის საპრეზიდენტო არჩევნებს, რომელიც ყირიმში ჩატარდა და ევროკავშირის არაღიარების პოლიტიკას გააგრძელებს", - ნათქვამია საგარეო უწყების განცხადებაში.

შეგახსენებთ, რომ გუშინ რუსეთის საპრეზიდენტო არჩევნები გაიმართა. აღნიშნული არჩევნები საქართველოს ოკუპირებულ რეგიონებში და ანექსირებულ ყირიმშიც ჩატარდა. წინასწარი მონაცემებით, რუსეთის პრეზიდენტს პოსტს ისევ ვლადიმერ პუტინი დაიკავებს. მან აღნიშნულ არჩევნებში რეკორდული მაჩვენებელი დააფიქსირა და ამომრჩეველთა 76.66% მიიღო. 

ავტორი: ,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს