ჯანდაცვის კომიტეტის სხდომაზე მრავალშვილიანი მშობლის სტატუსის შესახებ კანონპროექტის ინიცირება მოხდა

2018-03-01 18:05:20, 1835 ნახვა

პოლიტიკა

ჯანმრთელობის დაცვისა და სოციალურ საკითხთა კომიტეტის სხდომაზე მრავალშვილიანი მშობლის სტატუსის შესახებ კანონპროექტის ინიცირება მოხდა.

კანონპროექტის ავტორები პარლამენტის წევრები დიმიტრი ხუნდაძე და აკაკი ზოიძე არიან.

საკითხი დიმიტრი ხუნდაძემ გამოიტანა და კანონპროექტის მიღების გარემოებებსა და ზოგად პრინციპებზე ისაუბრა.

მისი თქმით, კანონპროექტის შემუშავების მიზეზს სახელმწიფოს მხრიდან მრავალშვილიანი მშობლის სტატუსის განსაზღვრის და მრავალშვილიანი ოჯახების მხარდაჭერის საჭიროება წარმოადგენს.

კანონპროექტი ფინანსური დახმარების გარდა, სხვა კომპონენტებსაც მოიცავს. მაგალითად, ინიციატივებს სოციალურ სფეროში, განათლებისა და სპორტის მიმართულებით. პაკეტი კომუნალურ გადასახადებში დახმარებასაც ითვალისწინებს. მრავალშვილიანი მშობლის არსებული სტატუსი, რომელიც 7 და მეტშვილიან ოჯახებს ენიჭებოდათ, 2006 წელსგაუქმდა, ახალი კანონმდებლობით კი, მრავალშვილიანის სტატუსი 4 და მეტშვილიან ოჯახებს ექნებათ.

საკანონმდებლო ინიციატივა უახლოეს დღეებში პარლამენტის ბიუროს წარედგინება.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები