სასჯელაღსრულებისა და პრობაციის მინისტრმა გიორგი მღებრიშვილმა სამინისტროში გამართულ ბრიფინგზე საზოგადოებას სამინისტროს ადგილობრივი საბჭოების გადაწყვეტილება გააცნო.

უწყების ადგილობრივი საბჭოების გადაწყვეტილებით, 255 მსჯავრდებული გათავისუფლდა, მათ შორის 3 ქალია, 5 მსჯავრდებული  კი გადაყვანილი იქნება თავისუფლების შეზღუდვის დაწესებულებაში.

„აღვნიშნავთ, რომ სასჯელაღსრულებისა და პრობაციის სამინისტრო ადგილობრივ საბჭოებთან ერთად აქტიურად მუშაობს, რათა პირობით ვადამდე გათავისუფლების შესახებ გადაწყვეტილების მიღება დამყარებული იყოს სამართლიანობის პრინციპზე, რაც გულისხმობს უპირატესობის მინიჭებას სწორედ იმ მსჯავრდებულთათვის, რომლებიც სასჯელს იხდიდნენ სარეჟიმო მოთხოვნების დაცვით,  გამოირჩეოდნენ ფსიქო-სარეაბილიტაციო პროგრამებში აქტიური ჩართულობით და გაცნობიერებული აქვთ ჩადენილი დანაშაულის შედეგად დამდგარი პასუხისმგებლობა.

სწორედ ამ პრინციპებით იხელმძღვანელეს ადგილობრივმა საბჭოებმა 1200-მდე განცხადების განხილვისას და გადაწყვეტილების მიღებისას მხედველობაში მიიღეს მსჯავრდებულთა მიერ ჩადენილი დანაშაულების ხასიათი, სასჯელის მოხდის პერიოდში მათი ქცევა, სასჯელის ინდივიდუალური დაგეგმვის პროცესში მონაწილეობა, მათი ფსიქო-ემოციური მდგომარეობა, სარეაბილიტაციო აქტივობებში ჩართულობა, მათი დამოკიდებულება წარსულში ჩადენილ დანაშაულთან და დანაშაულის განმეორებით ჩადენის რისკები.

შეგახსენებთ, რომ  5 კაციან ადგილობრივ საბჭოებში სასჯელაღსრულების სამინისტრო მხოლოდ 2 წევრითაა წარმოდგენილი, დანარჩენი ადგილები ნაწილდება არასამთავრობო ორგანიზაციების, აკადემიური წრეებისა და იუსტიციის საბჭოს წარმომადგენლებზე.  შესაბამისად, საბჭო  სრულიად დამოუკიდებელია თავის გადაწყვეტილებებში“, - ნათქვამია სასჯელაღსრულების სამინისტროს განცხადებაში.

მინისტრმა გათავისუფლებულებს წარმატება უსურვა და იმედი გამოთქვა, რომ ისინი ამ შანსს ღირსეულად გამოიყენებენ.

მსჯავრდებულები სასჯელაღსრულების დაწესებულებებს დღის განმავლობაში დატოვებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი

დიუშენის დაავადების მქონე ბავშვების მშობლები: „გადავარჩინოთ ჩვენი შვილები“