„უზნეოს უზნეობა ელანდებოდაო - მემგონი ამასთან გაქვს საქმე“, - ასე ეხმაურება საპარლამენტო უმრავლესობის წევრი გია ვოლსკი თბილისის საკრებულოს ფრაქცია ”ერთიანი ნაციონალური მოძრაობის” წევრის ლევან ხაბეიშვილის განცხადებას, რომლის თანახმადაც, გიორგი კვირიკაშვილს დეკლარაციის მიხედვით, გასულ წელს მამამ 50 000 დოლარი აჩუქა, ხოლო პრემიერს 200 ათას ლარზე მეტი კრედიტი აქვს დაფარული, როცა მისი ოჯახის შემოსავალი 80 ათას ლარზე ცოტა მეტია.

ხაბეიშვილის თქმით, დეკლარაციაში ასახული შეუსაბამო ციფრები, სავარაუდოდ, ,,შავი ფულის“ გათეთრებაზე მიუთითებს.

ვოლსკის განმარტებით, გიორგი კვირიკაშვილის მამა  საკმაოდ სერიოზული ბიზნესითაა დაკავებული და არ არის ადამიანი, რომლის შემოსავალიც მხოლოდ პენსიაა. უფრო მეტიც, ვოლსკის თქმით, კვირიკაშვილის მამა  „ქართული ოცნების“ ხელისუფლებაში მოსვლამდე ახორციელებდა ეკონომიკურ პროექტებს:

„არ ვიცი, ვინ არის ლევან ხაბეიშვილი, მაგრამ ფაქტი ერთია, რაც მემგონი, ლევან ხაბეიშვილმაც და სხვებმაც ძალიან კარგად იციან, რომ გიორგი კვირიკაშვილის მამა დიდია ხანია სოფლის მეურნეობაში დაკავებულია საკმაოდ სერიოზული ბიზნესით, ბევრი ხალხი ჰყავს დასაქმებული და არ არის ადამიანი, ვისაც მხოლოდ პენსია აქვს. ყველამ იცის, რომ „ქართული ოცნება“ არც იყო ხელისუფლებაში, როდესაც ის საკმაოდ მძლავრად იდგა ფეხზე და ეკონომიკურ პროექტს ახორციელებდა. მაინც ასე მგონია, რომ უზნეოს უზნეობა ელანდებოდაო - მემგონი ამასთან გაქვს საქმე“,-აღნიშნა ვოლსკიმ.

ავტორი: ,

სოციალური ქსელები

რეჟიმის წარმომადგენელი კობახიძე კვლავ თვს ესხმის დიდ ბრიტანეთს და მის მოქმედ პრემიერს

სქროლვა-სქრინვის სამმართველო მოქალაქეს ივანიშვილის წყევლის გამო ან ჯარიმას დაუწესებს ან 20 დღე ციხეში გაუშვებს

რეჟიმის წარმომადგენელი კობახიძე სქროლვა-სქრინვის სამსახურს ოპტიმიზმით უყურებს

კობახიძე ევროსაბჭოს რეზოლუციაზე - აბსურდია ყველაფერი, რაზეც საუბარია რეზოლუციაში, საქართველო არის მოწინავე დემოკრატიის თვალსაზრისით