"მდაბიო ოლიგარქმა გადაწყვიტა ჩემი გასამართლება იმ ბრალდებით, რომლითაც არცერთი პრეზიდენტი, არასოდეს მსოფლიოს უახლეს ისტორიაში არ გაუსამართლებიათ", - ასე შეაფასა საქართველოს მესამე პრეზიდენტმა მიხეილ სააკაშვილმა თბილისის საქალაქო სასამართლოს მიერ დღეს მიღებული გადაწყვეტილება,

როგორც სააკაშვილმა "რუსთავი 2"-ის ეთერში განაცხადა, შეწყალების უფლების გამოყენების გამო მისი გასამართლება, საერთაშორისო ნორმების დარღვევაა.

ყოფილმე პრეზიდენტმა დასძინა, რომ ქართველი ხალხი ოლიგარქის მოსაშორებლად უნდა მოემზადოს.

"ეს კაცი (ბიძინა ივანიშვილი) არის საქართველოს დიდი უბედურება. მისი მეშვეობით გვანგრევს ჩვენი მტერი, ჩვენ საქმეებში ხელს აფათურებენ მათ შორის უკრაინელი ოლიგარქები. მე გავხდი მთავარი თავის ტკივილი პუტინის, უკრაინელი ოლიგარქების და ივანიშვილის. პუტინმა აცოტა ხნის წინ მე მთელი პრესკონფერენცია მომიძღვნა. ის, რაც მოხდა თბილისში დღეს, არის პუტინის დავალების პირდაპირი შესრულება სამი ქვეყნის ოლიგარქების და მათი ადგილობრივი შემსრულებლების მიერ. ჩვენ უნდა მოვემზადოთ მათ მოსაშორებლად, გამოვაცხადოთ განსაკუთრებული მობილიზაცია და ამაში ჩავერთვები ძალიან აქტიურად. რა თქმა უნდა, არ მივატოვებ ქართველ ხალხს. დღევანდელი გადაწყვეტილება არის შეშინებული, დამფრთხალი, პატარა გნომის შურისძიება ჩემს წინააღმდეგ. ის სუსტია, კუთხეშია მიმწყვდეული და ბოლომდე უნდა მივიყვანოთ საქმე. მე დაგეხმარებით და ჩავერთვები ამ საქმეში. საქართველო ისევ უნდა გავათავისუფლოთ და სწორ გზაზე დავაყენოთ. ძალიან მიყვარს საქართველო და ეს დღე ამ სიყვარულს ამტკიცებს. მიუხედავად პარტიული კუთვნილებისა, დროა ხელები დავიკაპიწოთ, მოვემზადოთ იმ მომენტისთვის, რომელიც მალე დადგება და როდესაც ყველა ერთად დავირაზმებით და დავახვევინებთ ოლიგარქს და მის მონებს სახელმწიფო დაწესებულებებიდან და ჩვენი ცხოვრებიდან”, - განაცხადა მიხეილ სააკაშვილმა.

შეგახსენებთ, მიხეილ სააკაშვილს გირგვლიანის საქმეზე 3 წლით თავისუფლების აღკვეთა შეეფარდა.

ავტორი: ,

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე