2018-01-04 14:44:37, 2225 ნახვა
მსოფლიო
ფედერიკა მოგერინი კუბას ეწვია
ევროკავშირის უმაღლესი წარმომადგენლი საგარეო პოლიტიკისა და უსაფრთხოების საკითხებში ფედერიკა მოგერინი კუბაზე იმყოფება.
ინფორმაციას Reuters-ი ავრცელებს.
მისი ვიზიტის მიზანია, ევროკავშირის ქვეყნებსა და კუბას შორის ეკონომიკური და პოლიტიკური კავშირების გაღრმავებას შეუწყოს ხელი. მოგერინის ადმინისტრაციის ცნობით, ეს ვიზიტი კიდევ ერთხელ ადასტურებს ევროკავშირსა და კუბას შორის არსებულ ძლიერ ურთიერთობებს.
"თეთრი სახლის ადმინისტრაციისადმი პატივისცემის მიუხედავად, ჩემი მთავარი მესიჯი, რომელიც აქ ჩამოვიტანე არის მეგობრობა და თანამშრომლობა ევროკავშირთან", - განაცხადა ფედერიკა მოგერინიმ.
ამასთან, მან აშშ-ს მიერ კუბის წინააღმდეგ დაწესებული ემბარგოს პოლიტიკა გააკრიტიკა.
„ბლოკადა უკანონო და მოძველებული საშუალებაა. ევროპელები ხშირად ვეუბნებით ამის შესახებ ამერიკელებს“, - აღნიშნა მოგერინიმ.
![]()
ავტორი: ,
epn.ge (@expressnews.ge)
