2017-12-22 16:29:07, 1871 ნახვა
კომენტარი
ირაკლი კობახიძე: 6 დეპუტატს ღილაკზე ხელის მიჭერა დაეზარა
პარლამენტის პლენარულ სხდომაზე მესამე მოსმენით კენჭი უყარეს საქართველოს პარლამენტის წევრის სტატუსის შესახებ კანონში ცვლილებებს.
დეპუტატებმა ცვლილებები 76 ხმით არც ერთის წინააღმდეგ დაამტკიცეს.
პარლამენტის თავმჯდომარე ირაკლი კობახიძემ განაცხადა, რომ 6 დეპუტატს ღილაკზე ხელის მიჭერა უბრალოდ დაეზარა:
„არამგონია, რომ მიზეზი ყოფილიყო თავშეკავება, დაეზარათ ღილაკზე ხელის მიჭერა“,-აღნიშნა ირაკლი კობახიძემ.
კანონპროექტით ხორციელდება ტერმინოლოგიური ცვლილება და შესაბამის მუხლში აღინიშნება, რომ პარლამენტის წევრის შრომის ანაზღაურება მოიცავს კანონით დადგენილ თანამდებობრივ სარგოს, პარლამენტის ბიუროს მიერ განსაზღვრულ სადეპუტატო უფლებამოსილების განხორციელების თანხას, ფულად ჯილდოს და სხვა დანამატებს.
![]()
ავტორი: ,
epn.ge (@expressnews.ge)
