ინგოროყვას კლინიკის ექიმის ვახტაგ ქაცარავას განცხადებით, პირველი რესპუბლიკის ბაღში დაჭრილმა მოზარდა თითქმის ერთი ლიტრი სისხლი დაკარგა.

როგორც ექიმმა ჟურნალისტებს განუცხადა, პაციენტს დაახლოებით 4-5 ჭრილობა გულ-მკერდის არეში აქვს მიყენებული. ასევე დაზიანება აღენიშნება ფილტვის არეში.

"შემოვიდა მძიმე მდგომარეობაში, ჰემორაგიული შოკით, წნევა ჰქონდა დაბალი სისხლდანაკარგის გამო. ჩაუტარდა ოპერაცია, გულ-მკერდი გაიხსნა, ასევე ინახა სისხლმდენი ადგილები. აღინიშნება ნეკნთაშორის არტერიის და ფილტვის დაზიანება, პერიკარდიუმის დაზიანება. გულის დაზიანება საბედნიეროდ არ არის, გადარჩა. დანით მიყენებული ჭრილობები აქვს გულ-მკერდისა და მუცლის არეში. სულ დაახლოებით 4-5 ჭრილობა აქვს მიყენებული დანით. ყველაზე რთული ჭრილობა იყო სისხლძარღვის ჭრილობა, რომელმაც სისხლდენა გამოიწვია - თითქმის ერთი ლიტრი სისხლი იყო ჩაღვრილი. 15 წლის ასაკისაა პაციენტი და ეს იყო მისთვის ძალიან მძიმე სისხლდანაკარგი. თუმცა, სისხლდენა ოპერაციის დროს გაჩერდა, პაციენტს გადაესხა სისხლი და ახლაც მიდის გადასხმა. წნევა სტაბილურია. მე ვერ ვიტყვი, ემუქრება თუ არა მის სიცოცხლეს საფრთხე, მაგრამ მგონი უფრო სიკეთისკენ მივდივართ“, - განაცხადა ქაცარავამ.

ცნობისთვის, მოზარდი დღეს პირველი რესპუბლიკის პარკში დაჭრეს. შსს-ს ინფორმაციით, მომხდართან დაკავშირებით გამოძიება სსკ-ის 19-108-ე მუხლით მიმდინარეობს, რაც განზრახ მკვლელობის მცდელობას გულისხმობს.

ავტორი: ,

სოციალური ქსელები

Nestle-მ ბრიტანეთის მიერ სანქცირებულ ტელეკომპანია „იმედში“ რეკლამის განთავსების გამო შიდა გამოძიება დაიწყო

ხალხის ფულით ივანიშვილის რეჟიმი 2026 წელს გამოშვებულ 592 ახალ ავტომობილს ₾47 მილიონად ყიდულობს

5 თვეში, ივანიშვილის რეჟიმმა საგზაო ჯარიმებით რეკორდული ₾130 მილიონი აკრიფა

რეჟიმი გეგმავს მოქალაქეთა პირადი ცხოვრება აკონტროლოს, უცხოელზე დაქორწინებას კომისია შეისწავლის