სამთავრობო პროგრამის ფარგლებში „აწარმოე საქართველოში“ განსახორციელებელი ინვესტიციის ოდენობა დაახლოებით 257 მილიონი ლარია. 

ამის შესახებ ეკონომიკისა და მდგრადი განვითარების მინისტრმა, გიორგი კვირიკაშვილმა პარლამენტში გამოსვლისას განაცხადა. 

კვირიკაშვილის თქმით, სამინისტროში დაფუძნდა მეწარმოების განვითარების სააგენტო, რომლის მეშვეობითაც სპეციალური სამთავრობო პროგრამა „აწარმოე საქართველოში“ ხორციელდება. პროგრამას დაწყებიდან დღემდე საქართველოში 72 ბენეფიციარი ჰყავს, განსახორციელებელი ინვესტიციის ოდენობა კი დაახლოებით 257 მილიონი ლარია. 

ვიცე-პრემიერმა ასევე ისაუბრა მიკრო და მცირე მეწარმეობის მხარდაჭერის პროექტზე, რომლის ბიუჯეტიც 20 მილიონი ლარია. პროექტი, რომელიც საქართველოს რეგიონებში ხორციელდება, ითვალისწინებს 5000 ლარის ოდენობით მიკრო გრანტების გაცემა მიკრომეწარმეებზე, რომლებიც განახორციელებენ სოფლად მიკროპროექტებს. გიორგი კვირიკაშვილის განცხადებით, პროექტი ასევე ითვალისწინებს 4,500-მდე ადამიანისთვის სპეციალური ტრენინგების ჩატარებას, რათა მათ შეძლონ ბიზნესურად გაიაზრონ თავიანთი ინიციატივები და სწორად ჩამოაყალიბონ წინადადებები, რათა შემდგომში მოხდეს მათი დაფინანსება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან