ღვინის ეროვნული სააგენტო აპრილის მდგომარეობით ღვინის ექსპორტის მონაცემებს აქვეყნებს.

2015 წლის იანვარ-აპრილის მონაცემებით, საქართველოდან მსოფლიოს 26 ქვეყანაში ექსპორტირებულია 23.4 მილიონი დოლარის 7.9 მილიონი ბოთლი (0,75 ლ) ღვინო.

გასული წლის ანალოგიურ პერიოდთან შედარებით, 4 თვის ექსპორტის მაჩვენებელი 58%-ით ნაკლებია. სააგენტოს ინფორმაციით, შემცირება უმთავრესად 2 უმსხვილეს ექსპორტიორ ქვეყანაში - რუსეთსა (-76%) და უკრაინაში (-57%) ექსპორტის კლებითაა  განპირობებული.

აპრილის თვე ექსპორტის თვალსაზრისით უფრო აქტიური იყო, ვიდრე იანვარი, თებერვალი და მარტი. იანვართან შედარებით, აპრილში ექსპორტი თითქმის გაორმაგდა. იანვარში ექსპორტი შეადგენდა 1 343 018, თებერვალში - 1 558 631, მარტში - 2 198 535 ,ხოლო აპრილში - 2 878 565 ბოთლს.

მატებაა ისეთ ბაზრებზე როგორიცაა ჩინეთი - 87%, ბელარუსი - 27%, იაპონია - 9%, კანადა - 250%, დიდი ბრიტანეთი - 79%, ესტონეთი - 16%, პოლონეთი - 7%, გერმანია - 6%, აშშ - 6% და სხვა. ექსპორტიორი ქვეყნების პირველი ხუთეული კი ასე გამოიყურება: რუსეთი - 3 229 338 ბოთლი, ყაზახეთი - 1 529 688, უკრაინა -    873 516, პოლონეთი - 519 576,  ჩინეთი -   494 478.

ამასთან, ღვინის ეროვნული სააგენტოს ინფორმაციით, საანგარიშო პერიოდში 15 ქვეყანაში ექსპორტირებულია 1 495 500 ბოთლი (0,5 ლ) ბრენდი, რაც თანხაში 4 468 997 აშშ დოლარს აღწევს.

ბრენდის ექსპორტიორ ქვეყნებს შორის კვლავ ლიდერობენ რუსეთი (882 032) და უკრაინა (400 560).

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან